Albert Omondi Ojwang

Albert Omondi Ojwang (ya hlahileng 1994 - 8 Phuptjane 2025) e ne e le mosuwe naheng ya Kenya,ebile ele mohlohlelletsi wa marangrang a dikgokahanyo. O ile a hlokahala matsatsi a mabedi a le ditlamong ka mora hore a tshwarwe ke sepolesa.

Tsa morao

Ojwang o hlahile ka 1994,tulong ya Kakoth, haufi le Homa Bay . O ile a ya Univesithing ea Pwani mme ka mora moo a kwetlisa le ho sebetsa e le mosuwe toropong ya Mwatate e ka borwa-botjhabela ho Kenya. Pele ho lefu la hae, o ne a ruta Seswahili le Dithuto tsa Bolumedi Sekolong se Phahameng sa Moi Boys mme o ne a dula Voi, Seterekeng sa Taita Taveta . Ojwang o ne a bua haholo metjheng ya ditaba tsa setjhaba, haholo X (eo pele e neng e le twitter) moo a neng a e-na le balatedi ba bangata.

Ho tshwarwa ha hae le lefu

Ojwang o ile a tshwarwa ka la 7 Phuptjane 2025 lapeng ,Kakoth, ho thwe o ile a nyatsa Motlatsi wa Mohlahlobi Kakaretso wa Sepolesa Eliud Lagat sethaleng sa marang-rang sa X. Ho ya ka ntatae, o ile a koallwa Homa Bay, yaba o kgannwa dikilomitara tse 350 ho iswa motsemoholo Nairobi moo mapolesa a reng o ile a tswa dikotsi tse mpe ka seleng ka mora hore ho thwe o ile a otla hlooho ya hae leboteng. Lepolesa la Kenya le se le tshwerwe ka mora boipelaetso diterateng tsa motse-moholo, moo makoloi a mabedi a ileng a tjheswa mme baipelaetsi ba mallwa ba tswa dikotsi.

Ka morao

Video ya ho thunngwa ha motho e mong ya neng a thunywa ke lepolesa la Kenya hloohong a le haufi-ufi, e ile ya etsa dipotoloho, mme ya hlohlelletsa merusu setjhabeng. Motlatsi wa Mohlahlobi Kakaretso wa Sepolesa sa Kenya, Eliud Lagat, o itokolla mosebetsing ka boithatelo ha dipatlisiso di ntse di tswela pele mabapi le lefu la Ojwang. Ho tloha ka la 25 Phuptjane 2025, mekoloko ya naha ka bophara e phatlaladitswe diterekeng tsohle tse 47, hammoho le dikopano le ditebelo tsa bosiu bohle motsemoholo, Nairobi.