Jump to content

Bohlokwa ba lekgotla la kgaso la Aforika Borwa

Etsa likhokahano
E tswa ho Wikipedia

Lekgotla la Kgaso la Aforika Borwa (SABC), ke engwee ya ditheo tsa mmuso tse bohlokwa ebile di sebetsa ka thata paballong le tshireletsong ya dipuo tsa Aforika Borwa. [1][2] Setheo sena sa setjhaba se na le thomo ya ruta, ho thabisa le ho phahamisa setjhaba sa Aforika Borwa.[3] Maikemisetso le taelo a SABC jwalo ka mohasi wa setjhaba a hlaloswa ke tjhata ya naha e kgothaletsang le ho laela kgaso ena, SABC ho kgothalaetsa ntshetsopele ya polelo ya Aforika borwa ka ho fana ka dipuo tsa semmuso.[4] [5] Ka mefuta e mengata e fapaneng ya mananeo e bonahatsang le ho hlahisa maikutlo a fapaneng ditabeng tsa moraorao, mehopolo e fapaneng, e hlahisang boleng le boiqapelo ba maAforika Borwa, ebile e le e bontshang talente ya Aforika Borwa ka dikahare tsa thuto, tse rutang dithuto ka ditaba tse fapaneng ho kenyeleditse le boithabiso. Ho fetisa moo e kenyeletsa le hlahisa le maikutlo a maAforika Borwa ha mmoho le tshekatsheko e fapaneng ya ditaba, maikutlo a matjhaba, ditsebi le tlhatlhobo ya tsona ha mmoho le dithahasello le dikgothaletso tsa setjhaba. [4][6] Kgaso ena ya setjhaba e na le thomo ya ho fa setjhaba ditaba tsa nnete, ho hasa ka ntle ho tshekamelo efe kapa efe le ho hlahisa ba buhi le bamamedi leseding ka ditaba tsa nnete tse haswang ka dipuo tsa semmuso tsa naha.[7][8]

Ntlo-kgolo ya Lekgotla la kgaso la Aforika Borwa (SABC).

Lekgotla lena la Kgaso la Aforika Borwa (SABC) le hasa ka dikanale tse fetang mashome a mararo tsa diyalemoya ho kenyeleditse diteishene tsa lehae le tsa naha[9] le dikanale tsa televeshene e leng SABC 1, 2, 3. [10] Setheo sena sa mmuso se ananela le ho hlompha dipuo kaofela tsa naha, ka hoo SABC e latela mokgwa o sebediswang ke naha wa tshebediso ya maleme a fapafapaneng ho hasa ditaba le mananeo diradiong le dikanaleng kaofela ka ho fapana e le engwee ya merero ya bona ya ho fihlella setjhaba, le ho hlahisa mefuta-futa ya dipuo tse fapaneng tsa naha ya Aforika Borwa.[11] Ka sehlohlong lekgotla kgaso la Aforika Borwa (SABC) le latela le ho ikamanya le thomo ya naha le melao-theo ya leano la puo le tsela tsa ho "arolelana puo" le "tshwaro e lekanang" ya dipuo tsa Aforika Borwa.[11]

Bafuputsi le ditsebi tsa dipuo ho phatlalla le naha,ka tlasa lefapha tsa mahlale, saense le theknoloji ba ileba kopana le baithuti hotswa Yunivesithi ya Leboya Bophirima ( North West University) Mahikeng.[12] Ba ile hlahisa tshitshinyo ya bohlokwa ba ho baballa dipuo tsa Aforika Borwa hara kgaso tsa setjhaba, marang-rang le inthanete, ka ho sebedisa ka ho otlolloha e le mokgwa wa hore setjhaba se seke sa lahlehelwa ke botjhaba le boitsebo ba bona haholo diphatlalotsong tsa ditaba ka maleme a semmuso a naha. [12] Ka ho qolleha tsepamiso ya maikutlo e ne shebile tshireletso, paballo le tshebediso ya dipuo tsa Aforika Borwa. Lekgotla la Aforika Borwa (SABC) le bapala karolo e hlokolotsi, le ho haseng mananeo a radio a bana ka puo tsa bona tsa letswele, e le engwee ya ditsela tsa ho kgothaletsa le ho ruta bana ho sebedisa le bua dipuo tsa bona tsa lapeng ka kotloloho le nepo. [13] Ka 24 Pherekgong, 2023 mookamedi wa ditaba, wa lekgotla la naha la kgaso (SABC), Moshoeshoe Monare o ile a phatlalatsa morero wa ho qala kanale e tla hasa ditaba bakeng sa dihora tse mashome a mane ka dipuo tsa mona Aforika Borwa[14] mme o ile a toboketsa hore ke maikarabelo a bona ho latela molao wa motheo wa ho etsa bonnete ba hore dipuo kaofela tsa naha di ena le tekatekano, mme ba bonahatsa dipuo tse fapafaneng tsa naha. [14]

  1. ↑ 04 status of state-owned enterprises.pdf
  2. ↑ State-Owned Enterprises and other public institutions | South African Government
  3. ↑ Mandate – SABC – Official Website
  4. 1 2 Charter – SABC – Official Website
  5. ↑ South Africa's television channels - Brand South Africa
  6. ↑ final.qxd
  7. ↑ home - SABC News - Breaking news, special reports, world, business, sport coverage of all South African current events. Africa's news leader.
  8. ↑ SABC News – SABC – Official Website
  9. ↑ Listen to all radio station South Africa
  10. ↑ Listen to all radio station South Africa
  11. 1 2 The development of a multilingual language policy at the SABC since 1994
  12. 1 2 Researchers call on South Africans to preserve their indigenous languages
  13. ↑ SABC's African language radio stations: Celebrating cultural diversity and impact
  14. 1 2 SABC indigenous language news channel to be launched - Public Media Alliance
E tswa ho "https://st.wikipedia.org/w/index.php?title=Bohlokwa_ba_lekgotla_la_kgaso_la_Aforika_Borwa&oldid=33868"