Dikeledi "DK" Letsiri

Dikeledi "DK" Letsiri (ya hlahileng ka di 4 Pherekgong ) ke sebuhudi ebile hape ke mohlahisi wa lenaneo la tsa dipapadi ho Lesedi FM. Ke e mong wa bahlahisi ba lekgotla la Afrika Borwa (SABC) ebile ke sebuhudi se sebetsang e le "voice-over artist", hape e le mofetoledi wa puo ya Sesotho ho ya ho Senyesemane jwalo-jwalo pakeng tsa dipuo tsena di le pedi. Dikeledi Letsiri o tswalletswe porofensing ya Freistata, motseng wa Maokeng Kroonstad.

Kakaretso ya mosebetsi seyalemoyeng

Letsiri o na le dilemo tse mashome a robedi a sebetsa indastering ya kgaso. Ka selemo sa 2000 ho fihlela ka selemo sa 2004 o ne a sebeletsa VUTFM le sebuhudi sa dipapadi. Ho tloha ka selemo sa 2004 ho ya ho 2005 e ne e le sebuhudi sa lenaneo la dipapadi etswe hape ke mmadi ditaba tsa dipapadi hora le hora seteisheneng sa seyalemoya sa Kaya FM .Moraonyana ho moo o ile eba karolo ya seteishene sa radio sa Lesedi FM. Moo teng e ne ele sebuhudi sa tsa dipapadi lenaneong la "Bua le yona Mokganni" e leng lenaneo la motsheare le neng le haswa ke Thuso Motaung hammoho le lenaneo la batjha la "Re a kubeletsa" le neng le haswa ke Twasa le Ba2cada.

Mosebetsi wa televesheneng

Letsiri televesheneng o sebeletsa SABC Sports. ke mohasi wa bolo ya maoto ya basadi, dipapadi tsa ho sesa, tsa mabelo, jwalo ka lebelo la Comrades ka puo ya Sesotho.Dikanaleng tsohle tsa SABC Sports lentswe la hae le ye le hlahelle.

Ho ananelwa le dikgau

Ka selemo sa 2013, Letsiri o ile a fumana kgau ya GSPORT ya "Woman in media award". Ka 2016 o ile ya eba mothonngwa wa kgau ya GSPORT ya "Woman in media, radio and television"

Letsiri ke mohasi wa dipapadi a hasang dipapadi tse fapaneng ka puo ya Sesotho. O na le dilemo tse fetang mashome a mahlano a sebetsa kgasong mme ke e mong wa basadi ba ka hara indasteri eo hangata e tsamaiswang ke banna.