Eudy Simelane

Eudy Simelane (11 Hlakubele 1977 - 28 Mmesa 2008) e ne e le sebapadi sa bolo ya maoto sa Afrika Borwa ya neng a bapalla sehlopha sa naha sa Afrika Borwa ebile e le mohanyetsi wa ditokelo tsa LGBT. E bile e mong wa basadi ba pele ba dilesbiene ho dula pepeneneng KwaThema, Springs, Gauteng. Ka lebaka lena, o ile a betwa ke sehlopha sa ditlokotsebe—ka seo ho neng ho thwe ke peto e lokisang—mme a bolawa a le dilemo di 31.

Eudy Simelane

human

sex or gender	female
country of citizenship	Afrika Borwa
country for sport	Afrika Borwa
name in native language	Eudy Simelane
family name	Simelane
date of birth	11 Hlakubele 1977
place of birth	KwaThema
date of death	27 Mmesa 2008
place of death	KwaThema
manner of death	homicide
cause of death	stab wound
languages spoken, written or signed	Senyesemane
occupation	association football player, LGBTQ rights activist, association football coach
position played on team / speciality	midfielder
member of sports team	South Africa women's national association football team
sexual orientation	lesbianism
sport	association football

Bophelo ba bonyaneng

Simelane o hlahile ka la 11 Hlakubele 1977, Kwa-Thema, lekeisheneng le profinseng ya Gauteng, ka borwa-botjhabela ho Johannesburg.Ha a le lilemo di nne feela, o ile a thahasella Football. Bafana Simelane o re kgaitseli ea hae e ne e le ngoana ya ratang ho bapala haholo ea ileng a qala ho rata bolo ka ho mo sala morao hohle moo a eang teng.

Bolo ya maoto

O ile a rehwa lebitso la 'Styles' kaha e ne e le leoto le letshehadi, sebapadi sa bohareng Simelane o ile a ikopanya le sehlopha sa habo sa Kwa-Thema Ladies, seo hona jwale se tsejwang e le Springs Home Sweepers. Simelane o ile a bapalla sehlopha sa naha ka makgetlo a mangata, a kwetlisa dihlopha tse nne tsa batjha tsa lehae, mme a batla ho tshwaneleha ho ba ralamolao wa pele wa mosadi naheng ya habo.

Boitseko

Simelane o sebelisitse boemo ba hae joalo ka motho ea tummeng oa bolo ea maoto ho ntšetsa pele boitseko ba hae ba LGBTQI+. Ho thusa ho holisa setso sa botsoalle sa LGBTQI+ sechabeng sa habo, sebete sa hae sa ho phela ka bolokolohi e le lesbiene sechabeng sa habo se ile sa mo etsa lets'oao le khothatsang le la bohlokoa la LGBTQI+.

Lefu

Setopo sa Simelane se neng se apere ka mokhoa o sa fellang se fumanoe molatsoaneng oa KwaThema. O ne a ile a koeteloa, a betoa ke sehlopha sa litlokotsebe, a otloa le ho hlajoa ka makhetlo a 25 sefahlehong, sefubeng le maotong. E bile e mong oa basali ba pele ba ho phela pepeneneng e le lesbiene KwaThema. Tlaleho ea NGO ea Matjhaba ya ActionAid, e tshehelitsweng ke Khomishene ea Litokelo Tsa Botho ea Afrika Borwa, e ile ea fana ka maikutlo a hore polao ea hae e ne e le tlolo ea molao ea lehloeo e entsoeng khahlanong le eena ka lebaka la tšekamelo ea hae ea ho kopanela liphate.

Ho ea ka mokgatlo oa lehae oa ditokelo tsa basodoma The Triangle Project, tloaelo ea "peto ea khalemelo" e atile Afrika Borwa, moo banna ba betang lilesbiene ho thweng ke ho "phekola" maikutlo a bona a thobalano.

Nyeoe ea ba belaellwang hore ke bahlaseli ba bane e qalile ka la 11 Hlakola 2009 Delmas, Mpumalanga. E mong oa batho ba bane bao ho thweng ba hlasetse o ile a ipona molato wa peto le polao mme a ahlolelwa dilemo tse 32 teronkong. Ka September 2009, e mong o ile a fumanwa a le molato oa polao, peto le bosholu, 'me a ahloleloa bophelo le dilemo tse 35, empa baqosuoa ba babeli ba setseng ba ile ba lokolloa.

Puo ya sehopotso sa Eudy Simelane

Thuto ena ya selemo le selemo e tshwarwa ke Sekolo sa bodumedi sa Univesithi ya Kwazulu-Natala. Puo hangata e shebana le ditaba tse amanang le ditokelo tsa LGBTQ+, tekano ya bong, le toka setjhabeng, e totobatsang mathata le tlatsetso ya setjhaba sa LGBTQ+ Afrika Borwa le ho feta.

Tlotlo

Ho ile ha hahoa borokho bo bonyenyane KwaThema, Springs, Gauteng, e le tlotla ea hae ka 2009.