Frances Rasuge

Frances Rasuge (ya hlahileng ka la 10 Phuptjane 1977 - Phato 2004) e ne e le lepolesa Tshebeletsong ya Sepolesa sa Afrika Borwa ya ileng a bolawa ke mohlankana wa hae. O ile a hlaha dihloohong tsa ditaba Afrika Borwa kamora ho nyamela ha hae, mme setopo sa hae se ile sa fumanwa ka Hlakubele 2012 ka jareteng ya mohlankana wa hae, dilemo kamora hore mohlankana wa hae, Willem Nkuna, a fumanwe a le molato.

Ho nyamela

Frances Rasuge o ile a nyamela Temba ka la 27 Phato 2004, a qetetse ho bonwa a e-na le mohlankana wa hae, William Nkuna, saluneng ya ho lokisa moriri. Ka koloing ya Nkuna, madi a Rasuge a ile afumanwa, ao Nkuna a neng a toboketsa hore ke madi a ho ilela kwgedi. Nkuna pejana le yena o ne a ile a ntsha tjhelete akhaonteng ya Rasuge ya banka mme a sebedisa mohala wa hae oo ho neng ho nahanwa hore o lahlehile ka mora hore a nyamele.

Ka Pudungwana 2005, Moahlodi Ronald Hendricks o ile a ahlolela Nkuna, Lekgotleng la Potoloho la Mmabatho le dutseng Ga-Rankuwa, bophelo bohle tjhankaneng, leha setopo sa hae se ne se e-so fumanwe.

Ka la 20 Hlakubele 2012 basebetsi ba kaho ba ile ba sibolla masapo a motho ha ba ntse ba rala motheo ntlong ya Nkuna. Hoo e ka bang beke hamorao, mapolesa a Gauteng a ile a phatlalatsa hore diteko tsa DNA di netefaditse hore setopo ke sa Rasuge mme o ile a patwa ka la 11 Tshwitwe 2012 Honingnestkrans, Pretoria .