Jacob Mfaniselwa Nhlapo

Jacob Mfaniselwa Nhlapo (15 Pherekgong 1903 – 25 Hlakubele 1957) e ne e le morupelli wa Afrika Borwa, moqolotsi wa ditaba, mophatlalatsi wa dipolotiki, hape e le Moaforika Borwa wa pele wa Motho e Motsho ya nang le mangolo bongaka a mabedi. Nhlapo o tsejwa ka pampitshana ya hae ya selemo sa 1944,e bitswang "Bantu Babel: Will The Bantu Language Live?", moo a neng a tseka hore dipuo tsohle tse ka sehloohong tsa Afrika Borwa di lokela ho kopanngwa ka mokgwa o hlophisehileng hore e be puo e le nngwe.

Bophelo ba bongwaneng le thuto

Jacob Nhlapo o hlahile ka selemo sa 1903 ho la Petsana, Reitz, toropo e ka leboya-botjhabela ho profinse ya Free State, Afrika Borwa. O ile a ithuta boinotsing le Univesithi ya Afrika Boroa (Unisa), a fumana lengolo la Junior Certificate (Kereiti ya 10) ka 1928 le Senior Certificate (Kereiti ya 12) selemong se latelang. Ka 1940 Nhlapo o ile a fumana dipoloma tsa Unisa Bantu Studies mme ya eba mosuwehlooho wa Wilberforce Institute e Evaton haufi le Vereeniging moo a neng a dula nakong eo Kereke ya American Methodist Episcopal Church (AME) e neng e theha Setsi sa Wilberforce. Nakong ena Nhlapo o ile a nka thupelo ya bongoli ka Setsi sa Regent London . O ile a fumana lengolo la bongaka la Psychology ho McKinley-Roosevelt Extension College ya Univesithi ya Chicago ka 1944 mme ya e-ba propagandist bakeng sa mogatlo was National Executive of African National Congress, eo ka nako eo e neng e eteletswe pele ke Dr. Alfred Bitini Xuma . Ka mora ho itokolla mosebetsing ho Wilberforce ka 1953, Nhlapo e ile ya e-ba mohlophisi wa lesedi la Bantu World ho nka sebaka sa Selope Thema.