Lara Goodall

Lara Goodall (o hlahile ka la 26 Mmesa 1996) ke sebapadi sa Afrika Borwa sa cricket se emelang Afrika Borwa ho Women's One Day Internationals le Women's Twenty20 Internationals. Ka kgwedi ya Hlakola, selemong sa 2019, Cricket South Africa e mo kgethile e le e mong wa dipapadi tsa Powerade Women's National Academy intake bakeng sa 2019. Ka Lwetse 2019, o ile a kgethwa sehlopheng sa M van der Merwe XI bakeng sa kgatiso ya pele ya T20 Super League ya Basadi Afrika Borwa. Ka la 23 Phupu 2020, Goodall o ile a kgethwa sehlopheng sa Basadi ba 24 ba Afrika Borwa ho qala kwetliso Pretoria, pele ba etela Engelane.

Ka Hlakola selemong sa 2022, o ile a kgethwa sehlopheng sa Afrika Borwa bakeng sa Seqho sa Lefatshe sa Basadi sa Cricket sa 2022 se ileng sa tshwarelwa New Zealand.Ka Phuptjane selemong sa 2022, Goodall o ile a kgethwa sehlopheng sa diteko sa Basadi sa Afrika Borwa bakeng sa papadi ya bona e le nngwe kgahlanong le Basadi ba Engelane. O ile a qala ho bapala papading tsa teko ka la 27 Phuptjane selemong sa 2022, bakeng sa Afrika Borwa kgahlanong le Engelane. Ka Phupu 2022, o ile a kgethwa sehlopheng sa Afrika Borwa bakeng sa tlhodisano ya krikete dipapading tsa Commonwealth tsa 2022 tse ileng tsa tshwarwelwa Birmingham, England.

Goodall o ile a kgethwa sehlopheng sa Afrika Borwa bakeng sa karolo ya ODI ya letoto la bona la dipapadi tsa lehae le fapaneng le Engelane ka Pudungwana selemong sa 2024.