Ntsiki Mazwai

Ntsiki Mazwai, ya hlahileng ka selemo sa 3 Lwetse 1980, ke sethothokisi sa Aforika Borwa, ke mongodi wa dipina, ebile ke sebini. O hlahetse motseng wa Pimville, Soweto porofensing ya Gauteng naheng ya Afrika Borwa. O hlahetse lapeng la ntate Thamsanqa Mazwai eo eleng ngaka le mme Nontsikelelo Belede Mazwai. Kgolong ya hae ,ntate wa hae ene e le moqolotsi wa ditaba. O ile a lahlehelwa ke mme wa hae ha ale dilemo di leshome le motso o mong. Kgolong ya hae bobedi ba batswadi ba hae e ne e le bangodi ho mokgahlo wa dipolotiki wa Pan African Congress (PAC). Ke ngwana wa bo Thandiswa Mazwai le Nomsa Mazwai.

Tsa mosebetsi

Mazwai o qadile mosebetsi wa hae a tsepamisitse maikutlo haholo ho mosebetsi wa matsoho wa etsa difaha le dithothokiso. Ka selemo sa (2002-2005) mongodi ona o ile a tshwara dipontsho moo a neng a bapatsa mosebetsi wa hae wa matsoho O qadile ho bonwa le ho ikahela lebitso ka mora hore a ntshe pina e bitswang uRongo.Ntsiki o fumane setumo sa hae ka mora hore a patlalatse buka ya hae ya pele e bitswang Wena, eo e leng pokeletso ya dithothokiso. Buka ena e bua ka ntshetsopele ya setjhaba le ho atisa dintho tsa setso.

Yaba ka selemo sa 2012 Ntsiki o hlahisa MaMa Said Sessions Roodepoort Theatre, Gauteng. Jwaloka mohlahisi, o ile a etsa bonnete ba hore o ntlafatsa monyetla wa ho sebetsa mosebetsing wa hae wa mmino le ho ntsha alebamo ya hae ya pele.

O tswelletse pele ka ho phatlalatsa buka ya hae ya pele e bitswang Wena, eo e leng pokeletso ya dithothokiso tsa hae. Buka ena e ne e bua ka tswelo-pele ya moruo wa setjhaba le ho bua ka diphetoho tse tlwaelehileng tsa setjhaba.

Manyofo-nyofo

Ka selemo sa 2022 Ntsiki Mazwai o ile qosa le bitsa DJ Euphonik ka hore ke mabeta. Hona selemong sa 2022, DJ Euphonik oile a hlalela nyewe ya tshenyo ya lebitso kgahlano le Ntsiki Mazwai. Ka mora ho matha makgotleng a dinyewe Ntsiki o ile a hlolwa nyeweng eo eneng e le kgahlano le ena mme a fumana kotlo ya ho lefa diranta tse fetang diketete tse makgolo a mabedi (R200 000). Selemong sa 2025, Ntsiki Mazwai o ile a bolela hore o ne a le phoso ka ho bitsa DJ Euphonik ka hore ke mabeta. Hona hotla ka mora hore DJ Euphonik a hlahlele nyewe kgahlano le Ntsiki ho ya ka di qoso tseo a neng a moqosa ka tsona, eleng tsa tshenyo ya lebitso. DJ Euphonik ka selemo sa Phupjane 2025 o ile a isa Ntsiki Mazwa makgotleng ka mora hose mo lefe tjhelete ya kahlolo ya nyewe ya hae ya sethatong. Ntsiki Mazwai o kopa dithuso tsa ditjhelete ho balatedi bahae ho lefella bo ramolao, ka mora ho hloleha ho patala kahlolo ya hae .

Ka selemo sa 2025 Ntsiki Mazwai, ho marangrang a dikgokahanyo o ile bolella letona la tsa dipapadi le bonono, Gayton McKenzie hore le itokolle mosebetsing ka mora ditlaleho tsa kgethollo ya se morabe.

Ditlotla le dikgau

• MA Miya,Spoken words ho tswa ho SAMA2013

• Kgau ya LGBTI ka selemo sa 2014

• Most innovative student,hotswa ho Wits business School ka 2014