Polao ya Babita Deokaran

Babita Deokaran e ne e le moqolotsi wa ditaba naheng ya Aforika Borwa ya bolailweng ka lebaka la ho tlaleha bobodu Lefapheng la Bophelo la Gauteng moo a neng a sebetsa e le motsamaisi wa ka sehloohong lefapheng la ditjhelete.

Polao

Deokaran o ile a thunngwa a ba a bolawa ka nako ya 08:00 ya ka Aforika Borwa ka la 23 Phato 2021 ha a kgutlela hae ho isa moradi wa hae sekolong.Koloi e ile ya emisa haufinyane le koloi ya hae mme ya thunya makgetlo-kgetlo kamora hore a eme ka pela ntlo ya hae e Johannesburg South, Porofensing ya Gauteng, Aforika Borwa moo a ileng a bolawa.Nyewe ena e bakile kgang e kgolo Aforika Borwa ka lebaka la boemo ba Deokaran e le moqolotsi wa ditaba ya kgahlanong le bobodu le ho hloka tshireletso e fanwang ke mmuso. Ho hlokahaleng hwa hae Deokaran e ne e le motsamaisi ya ka sehloohong wa ditjhelete lefapheng la bophelo bo botle la Mmuso wa Porofensi ya Gauteng.

Ho ile ha tlalehwa masedinyaneng a ditaba hore lefu la hae le ne le hokahane le Manyofo-nyofo a COVID-19 PEP procurement scandal ya boleng ba R332 milione (e lekanang le US $ 20 milione) kahare ho Lefapha la Bophelo la porofensing ya Gauteng.Ofisiri e tswang lefapheng la South African Special Investigation Unit e netefaditse hore Deokaran e ne e le paki ya bohlokwa dipatlisisong ho pepesa mokgatlo o hlophisitsweng ho una molemo bobodung ka hara mmuso.Deokaran o ne a bile phomolong e kgethehileng ka nako e fetang selemo pele a hlokahala ha dipatlisiso di ntse di tswela pele.

Dipatlisiso

Moahisani o ile a tsebisa mapolesa hore o bone koloi ya moetso wa BMW e belaetsang sebakeng sa polao makgetlo a mangata pele ho ketsahalo eo. Tlhahiso-leseding ena e ile ya nolofalletsa ba hlahlobi ho fumana koloi ho setho sa mehleng sa Lebotho la Tshireletso sa Naha ya Aforika Borwa se dulang sebakeng sa Pretoria mme sa fella ka ho tshwarwa ha ba belaelwa ba bang ba tsheletseng. Mopalami ya neng a le ka koloing ya Deokaran ka nako ya polao le yena o fane ka bopaki bo bohlokwa bo lebisang ho tshwarweng hwa ditsotsi.Sunday Times e tlalehile hore Deokaran o ne a hloriswa le ho bonwa ke ba bolai ba hae ka nako e fetang kgwedi pele a hlokahala. Tlaleho ya Sunday Times e boetse e boletse hore dikhamera tsa CCTV sebakeng seo di ne di sa sebetse ka mokgwa o makatsang pele ho polao ha software e tswetseng pele ya leihlo e ka be e sebedisitswe ho lekola mohala wa thekeng wa Deokaran le ho lekola metsamao ya hae.

Ba tshwaruwa ba tsheletseng ba ile ba tlalehelwa ke metjha ya ditaba hore e ne e le babolai ba hirilwengka Cape Talk e tlaleha hore ba ne ba tlalehilwe ba lefuwe R2 milione. News24 e tlalehile hore ba belaellwang ba latelang ba tshwerweng ke Nhlanganiso Ndlovu, Siphakanyisa Dladla, Zitha Radebe, Simphiwe Mazibuko, Sanele Mbele, Phakamani Radebe matsatsi a mararo kamora tlhaselo; ba boetse ba tlalehile hore ho ka etsahala hore ho tshwarwe ba bang hape nakong e tlang. Ka lebaka la ditaba tsa phepelo ya metsi tse amang Lekgotla la Magistrate la Johannesburg, nyewe ya tumello ya chelete e ile ya tjhetjhisetswa morao ka la 30 Pudungwana 2021.

Ka morfa lefu la Deokaran, mookamedi ya ka sehloohong wa sepetlele sa Tembisa le ofisiri e ka sehloohong ya dichelete ya Lefapha la Bophelo la porofense ba ile ba emiswa mosebetsing.

Phakamani Radebe o ile a qosa hore eo e neng e le letona la bophelo bo botle Zweli Mkhize o ile a ba lefa R400 000 e mong le e mong bakeng sa ho bolawa, empa hamorao a hula polelo eo. Bopaki bo botjha bo ka senola mohopolo wa ya ka sehloohong polaong ya Babita.

Tlaleho ya ditaba

Polao ya Deokaran e ile ya fumana tlhokomelo e kgolo masedinyaneng a ditaba. Daily Maverick e phatlaladitse sengolwa se botsang hore na hobaneng diofisiri tsa setjhaba di ile tsa fumana dintlha tse fanang ka tshireletso ha dipaki tse ileng tsa letsa lesedi ka diketso tse tebileng tsa bobodu, jwalo ka Deokaran, di sa fumane tshireletso ka hona tsa hlahisa dipotso mabapi le boitlamo ba mmuso wa Aforika Borwa ho lwantsha boboodu Aforika Borwa . Kamora lefu la hae mopresidente wa Aforika Borwa Cyril Ramaphosa o boletse hore tshireletso e eketsehileng ya mmuso e lokela ho fuwa ba senolang ka tlolo ya molao ntweng ya bobodu.

Phuputso ya News24 e fihletse qeto ya hore mohlahlobi-kakaretso wa Ekurhuleni wa African National Congress (ANC) Sello Sekhokho o ne a tsamaisa dikgwebo tse malwa tse neng di belaellwa hore di kentse letsoho ditshebedisanong tse senyehileng le Lefapha la Bophelo la Gauteng. News24 e tlalehile hore Deokaran o ile a hlahisa matshwenyeho ka mofuta wa ditshebedisano tsena nakwana pele a bolawa. Sekhokho o ile a hana diqoso tsa News24.

Dikotlo

Banna ba tsheletseng ba amehang polaong eo ba ile ba ahlolelwa ho hlola dilemo tse kopaneng tjhankaneng tse 95 Lekgotleng le Phahameng la Johannesburg bosiung ba sehopotso sa bobedi sa polao. Hadebe le Mbhele ba ile ba ahlolelwa ho hlola dilemo lilemo tse 22 tjhankaneng ka qoso ya ho bolaya. Radebe le Mazibuko ba ile ba ahlolelwa dilemo tse 15 ka qoso ya polao. Dladla o ile a ahlolelwa ho hlola dilemo tse 8 ka lebaka la polao le dilemo tse 7 tjhankaneng ka lebaka la ho ba le sethunya le dibetsa (ka kakaretso dilemo tse 15). Ndlovu o ile a ahlolelwa dilemo tse 6 ka lebaka la polao.Vusimusi "CAT" Matlala e leng e mong wa banna ba tshwereng ka qoso tse ding, ke e mong ya amehang manyofofong a Tembisa hospital ho ya ka ditlaleho tsa SIU. Monna e mong eo lebitso la hae le hlahelletseng ka sehloohong ke Hangwani Morgan Maumela eo a amanang le mopresidente Cyril Ramaphosa ka lenyalo le fetileng.Lelapa la Babita le batla toka e phethahake ka mora ditlaleho tsa manyofonyofo a etsahetseng Tembisa hospital a ballwang ho di bilione tse pedi,kamora diphuputso tse entsweng ke SIU.