Reddersburg

Reddersburg ke toropo ya borapolasi ba dinku le dikgomo porofenseng ya Foreisetata Afrika Borwa tseleng ya N6 National Route dikhilomithara tse 60 ka borwa ho motse wa Bloemfontein .

Nalane

Toropo e thehilwe ka lebaka ka kereke ya Reformed Church Reddersburg, e thehilweng polasing ya Thorbeck ka la 7 Motsheanong selemong sa 1859. Moeletsi wa kereke o ile a reka polasi ya Vlakfontein ho theha toropo. Lebitso la tereropo ke puo ya Seafrikanse mme le bolela "Toropo ya Mopholosi", ho tswa ho "Molimo ke Mopholosi wa rona". Toropo e ne e laolwa ke kereke ho fihlela 1894 ha e ne e fetisetswa ho masepala ka tumellano ya hore ho lefswe diponto tse 33 ke masepala kerekeng selemo le selemo.

Nakong ya Ntwa ya Bobeli ya Maburu, Reddersburg e ne e le sebaka sa e nngwe ya tlhōlo ya ho qetela ya mabotho a Maburu hodima Mabrithani. Masole a eteletsweng pele ke General Christiaan de Wet a ile a hlasela mokoloko wa ba 600 ba Royal Irish Rifles ka la 4 Mmesa, 1900, mme ba fumana boitelo letsatsing le hlahlamang.

Sarie Marais Hotel ke e nngwe ya dibaka tsa bohlokwa toropong.

• 
  Sekolo sa kgale sa CNO
• 
  21 Seterata sa Boshof