Vincent van der Merwe

Vincent o ile a fumanwa a hlokahetse ka foleteng ea hae ka la 16 Hlakubele 2025, Riyadh, Saudi Arabia, moo a neng a ameha morerong oa India oa Cheetah. O phethile karolo ea bohlokoa morerong wa Tonakholo Narendra Modi Cheetah e Madhya Pradesh, hammoho le diofisiri tsa lehae.

Vincent van der Merwe (ya hlahileng 1983 - 16 Hlakubele 2025) e ne e le setsebi sa paballo ya dintho le diphoofolo tsa tlhaho sa Afrika Borwa, rasaense, le ramalekelle wa National Geographic . Vincent o ne a tsebahala ka karolo ya hae mererong ya paballo ya mangau le ho a kenya botjha thuoung Afrika le Asia.

Thuto le mosebetsi

Vincent o hlahile ka 1983 profinseng ya Limpopo Afrika Boroa. Ka mora sekolo o ile a qeta lengolo la BSc (Hons) la Entomology ka Univesithi ya Pretoria mme hamorao a fumana mangolo a Master of Science (PhD) Univesithing ea Cape Town . O thehile Cheetah Metapopulation Initiative (TMI) e laolang kgolo ya palo ya mangau ho pholletsa le dibaka tse fapaneng tsa polokelo ya liphoofolo tse hlaha lefatsheng ka bophara. Boiteko ba hae bo ile ba thusa ho ntlafatsa mefuta-futa ya diphatsa tsa lefutso le ho etsa bonnete ba hore mefuta e dibakeng tse bolokilweng ho pholletsa le Afrika e phela.

Ka 2017 Vincent van der Merwe o amogetse Kgau ya Kudu ho tswa ho South African National Parks bakeng sa tlatsetso ya hae ya paballo ka ho hola ha palo ya ditshwele ka hare le kantle ho tsamaiso ya diphaka tsa naha.

Lefu

Vincent o ile a fumanoa a hlokahetse ka foleteng ea hae ka la 16 Hlakubele 2025, Riyadh, Saudi Arabia, moo a neng a ameha morerong wa India wa Cheetah. O phethile karolo ya bohlokoa morerong wa Tonakholo Narendra Modi Cheetah e Madhya Pradesh, hammoho le diofisiri tsa lehae.

Likhau le kananelo

Mofepi wa Selemo wa Paballo ya Liphoofolo tse Hlaha tse Kotsing (2015).

Dikgau tsa Naha tsa Afrika Borwa tsa Kudu tsa 2017.