Winnie Khumalo

Winnie Khumalo (O hlahile ka di 20 Phupu 1973 - a hlokahala ka di 7 Pherekgong 2025) e ne e le sebini sa Afrika Borwa sa mmino wa Kwaito le wa Afropop, ke sebapadi sa dikalaneng le sebuhudi sa thelevishene. O ne a tsebahala e le e mong oa bataki kapa moqapi wa mmino ba atlehileng ka ho fetisisa naheng eo le ka tshebedisano ea hae le baqapi ba bang ba Afrika Borwa ho kenyeletswa Brenda Fassie. E ne e le ele motswadi wa Rethabile Khumalo, a a latela mme wa hae mminong o atlehileng indastering ya mmino ya Afrika Borwa.

Bophelo le mosebetsi

Winnie Khumalo o hlahile ka la 20 Phupu selemong sa 1973, a hlahela motseng wa Soweto. O hodisitswe ke nkgono wa hae, One a kena Sekolong sa Sekolo sa Phahameng sa Mncube. O qadile hoba sebini a le dilemo di 13 dilemong tsa bo-1980, mme o ne a tla hlaha khafetsa thelevisheneng ya Afrika Borwa. Khumalo o ile a hlaisa pokeletso ya pele, Hey Laaitie a le dilemo di 15. Mathwasong a mosebetsi wa hae o ile a sebedisana mmoho le dinaledi tse kgolo ka ho fetisisa tsa mmino Afrika Borwa, ho kentswe bo Brenda Fassie, Sello Chicco Twala, Brothers of Peace, Bongo Maffin le DJ Cleo. Ntle le mosebetsi wa hae wa hoba sebini, Khumalo o ile a hlaha letotong la thelevishene la SABC 'Movhango' le 'Mponeng'.

Ka mora hore a nke nako e itseng mosebetsing wa hae wa mmino hore alo hodisa bana ba hae, Khumalo o ile a kgutlela indasetering ya mmino. Ka 2008, o ile a ntsha albamo ya hae e ileng ya atleha ka ho fetisisa, I Just Wanna Live My Life le Kalawa Jazmee Records. Album(Pokello) e ile ya netefatswa e le kgauta. "Live My Life", pina ya sehlooho ya pokello e ile ba ntho ya mantlha mminong wa Afrika Borwa.

Ka selemo sa 2010, Khumalo o ile a fumanwa a ena le maqeba a mpeng (di-ulcer) ka mora hore awe ha a ntse a etsa pontsho.[7] Ka selemo sa 2013, o qetile nako e fetang kgwedi a le sepetlele a ntse a fola maqebeng a mpeng a neng a kgutla-kgutla, hoo a ileng a emisa mosebetsi wa hae wa mmino.[8][9] O ile a tswela pele ho ba le mathata a mangata a bophelo bo botle bophelo ba hae bohle, ho kenyeletsa le maqeba a mpeng a pheta-phetang, bohloko ba sefuba le ho idibala.[10] Leha ho le jwalo, Khumalo o ile a tswela pele ka mosebetsi wa hae o moholo, a ntsha di-album tsa Woman le Higher and Higher ka 2013.[2]

Ka selemo sa 2014, Khumalo o ile a tloha ho Kawala Records, kamora ho qeta boholo ba mosebetsi wa hae a le khampaning eo. Hamorao o ile a theha khamphani ya hae ya rekoto e bitsuwang WinnKay Music Records & Management, mme a kgutlela ho ntshetseng mmino kantle. Khumalo e ne e le mmuelli ya matla wa tswelopele indastering ya mmino ya Afrika Borwa, a rutella ntlafatso ya maemo bakeng sa baetsi ba bonono ba bina le ho tantsha. O ne a dula a kopa hore ho be le boqapi bo boholo lebaleng la mmino, hammoho le tshehetso e ngata ho tswa ho mmuso, le bonngwe hara baetsi ba bonono ba basadi.

Ka selemo sa 2019, o ile a lokolla iXesha, le fetoletsweng e le "nako" ka puo ya Xhosa. Alebamo ena e ne e tshwaya dilemo tse 31 indastering ya mmino. O ile a tswela pele ho hlahisa mmino leha bophelo ba hae bo ntse bo mpefala, a lokolla Intliziyo EP le Noluthando ka selemo sa 2021.