Kgotsong

Kgotsong ke lekeishene la toropo ya Bothaville. Lekeishene le wela tlasa setereke sa Lejweleputswa mane provenseng ya Foreistata. Motse ona o na le baahi ba ka bang 41 878 ba dulang malapeng a lekanyeditsweng ho a ka bang 10 692. Motse ona o na le baahi ba Maafrika ba lekanyeditsweng ho 99%. Ke baahi ba ba kana ka 77% ba buang puo ya Sesotho ha kwana Maxhosa a lekanyetswa ho 10%. Batswana e ka ba ba lekanang le 4%.  

Motse ona o na le ditleliniki tse pedi feela tsa setjhaba. Feela jwalo ka dibaka tse fapaneng tsa Afrika Borwa, lekeishene lena le lona le aparetswe ke sewa sa botlokotsebe ba mefutafuta.