Ditshomo
Ditshomo ke diqaptjwa tse qoqwang jwalo ka di Dipale tsa Basotho, tse nang le baphetwa. ke dipale tse neng di fetiswa ka molomo ho tloha molokong, ho ya ho o mong. Bang ba re dipale tsena di ne di atisa ho ba tsa nnete, tse etsahetseng kgalekgale setjhabeng seo di neng di qoqwa ho sona. Ke dipale tse tletseng karaburetso le botshwantshi bo bongata ka ha mophethi wa tshomo o etsa diketso tse tswhanang le tsa baphetwa [1]. Ho na le mefuta e mene ya ditshomo ho latela Gumae leng; Ditshomotshomo, Ditshomo tsa bosatsejweng, Ditshomo tsa Diemahale; le Ditshomo tsa Diphoofolo. [2]Hangata ditshomo di qala ka mantswe a reng: Ba re e ne; Ya na ya re; E ne e re; Ho thwe. Pheletso ya yona le yona e na le mantswe a ikgethang a reng: Ke tshomo ka mathetho.