Draft:Diolimpiki tsa Lehlabula tsa 2024
Diolimpiki tsa Lehlabula tsa 2024 ka molao ke Dipapadi tsa Diolimpiki tsa XXXIII mme di tshwailwe e le Paris 2024, ke ketsahalo ya matjhaba ya dipapadi tse ngata tse tla tshwarwa ho tloha ka la 24 Phupu ho isa la 11 Phato 2024 Fora, ka mokete wa ho bula o etsahetseng ka la 26 Phupu. Paris ke toropo eo dipapadi tsena di tlang ho bapallwa ho yona, diketsahalo di tla tshwarwa Metseng e16 e Meholo ya Fora, le sehlekehlekeng se bitswang Tahiti se naheng ya French Polynesia.[1]
Paris e ile ya kgethwa e le toropo e tla tshwara dipapadi tsa diolimpiki kopanong ya bo131 ya IOC e Lima, Peru, ka la 13 Lwetse 2017. Kamora dikgulo tse ngata tse ileng tsa siya Paris le Los Angeles feela tlhodisanong, Komiti ya Matjhaba ya Diolimpiki (IOC) e amohetse tshebetso ya ho fana ka Diolimpiki tsa Lehlabula tsa 2024 le tsa 2028 ho ditoropo tse pedi tse setseng; dikopo ka bobedi di ile tsa roriswa ka merero e phahameng ya thekeniki le mekgwa e metjha ya ho sebedisa palo e fetang ya rekoto ya dibaka tse teng le tsa nakwana. Paris ke toropo ya bobedi ya ho tshwara Dipapadi tsa Diolimpiki Tsa Lehlabula ka makgetlo a mararo (kamora London, e neng e tshwere dipapali tsena tsa 1908, 1948, le 2012). Paris 2024 e tshwaya selemo sa lekgolo sa Paris 1924 le Chamonix 1924 (sena se tshwaya dilemo tse lekgolo tsa Diolimpiki tsa Mariha) mme ke Dipapali tsa Diolimpiki tsa botshelela tse tshwarelwang Fora (Diolimpiki tse tharo tsa Lehlabula le Diolimpiki tse tharo tsa Mariha), mme ke Diolimpike tsa pele tsa Fora ho tloha kaDipapali tsa Diolimpiki tsa Mariha tsa 1992 Albertville. Dipapali tsa Diolimpiki tsa Lehlabula di ile tsa kgutlela mokgweng wa kgale wa Diolimpiki wa ho tshwarwa ka mora dilemo tse nne, kamora hore Diolimpiki tsa selemo sa 2020 di tjhetjhisetswe selemong sa 2021 ka lebaka la sewa sa COVID-19.
.jpg)
Dipapadi tsa Diolimpiki tse tshwaretsweng Paris selemong sa 2024 di kentse motjeko o bitswang breakdancing joalo ka papadi ya Diolimpiki, mme e tla ba Dipapali tsa ho qetela tsa Diolimpiki tse tshwarwang ka tlasa tsamaiso ya Thomas Bach e le moetapele wa IOC. Dipapadi tsa 2024 di lebelletswe ho bitsa dibilione tse 9 tsa Yuropa.
Tshebetso ya ho fana ka dikopo
[fetola | fetola mohloli]Ditoropo tse tsheletseng tse neng di le dikgetho e ne e le Paris, Hamburg, Boston, Budapest, Roma le Los Angeles. Tshebetso ya ho fana ka dikopo e ile ya dieha ka lebaka la ho ikgula ha ditoropo, ho se utlwane dipolotiking le ho thibelwa ha ditjhelete. Boston e ile ya hlola Los Angeles, San Francisco le Washington, DC, dikopong tsa semmuso tsa US. Ka la 27 Phupu 2015, Boston le USOC di ile tsa dumellana ka bobedi ho thibela kopo ya Boston ya ho tshwara Dipapadi, le leng la mabaka e le hobane ho ne ho na le maikutlo a fapaneng toropong ya Boston. Hamburg e ile ya hula kopo ya yona ka la 29 Pudungwana ka selemo sa 2015 kamora hore ba dumelle setjhaba ho etsa dikgetho mabapi le le taba ena. Roma e ile ya itokolla ka la 21 Lwetse ka selemo sa 2016, ka lebaka la mathata a ditjhelete. Budapest e ile ya itokolla ka la 22 Hlakola 2017, kamora hore boipiletso bo kgahlano le kopo bo tekenwe ke batho ba bangata naheng eo.
Kamora ho itokolla hona, Lekgotla la Tsamaiso ya IOC e ile la kopana ka la 9 Phuptjane 2017 toropong ya Lausanne e Switzerland, ho buisana ka ditshebetso tsa dikhetho tsa 2024 le 2028. Komiti ya Matjhaba ya Diolimpiki e ile ya etsa tlhahiso ya semmuso ya ho kgetha ditoropo tse tlang ho tshwara Diolimpiki tsa 2024 le 2028 ka nako e le nngwe ka 2017, tlhahiso eo e ileng ya amohelwa ka la 11 Phupu 2017 Kopanong e neng e sa Tlwaeleha ya IOC e neng e tshwaretswe toropong ya Lausanne.[2] IOC e thehile tshebetso eo ka yona komiti ya dikgetho tsa dikopo tsa LA tsa 2024 le tsa Paris tsa 2024 di ileng tsa kopa le IOC ho buisana ka hore na ke toropo efe e tlang ho tshwara Dipapadi ka 2024 le 2028 le hore na ho ka kgoneha ho kgetha ditoropo tse tlang ho tshwara Dipapadi tsena ka bobedi ka nako e le nngwe.
Ka mora hore ho be le qeto ya ho fana ka dipapadi tsena ka nako e le nngwe, Paris e ile ya kgethwa ho tshwara Diolimpiki tsa selemo sa 2024. Ka la 31 Phupu 2017, IOC e ile ya phatlalatsa hore Los Angeles ke yona feela e hlahellang ho tshwara Diolimpiki tsa selemo sa 2028, sena se nolofalleditse Paris ho kgethwa ho tshwara Diolimpiki tsa selemo sa 2024. Diqeto tsena ka bobedi di ile tsa tiiswa kopanong ya bo131 ya IOC ka la 13 Lwetse 2017.
Dikgetho tsa motse o tshwarang Diolimpiki
[fetola | fetola mohloli].jpg)
Paris e ile ya kgethwa e le toropo e tla tshwara Diolimpiki ka la 13 Lwetse 2017 Kopanong ya bo 131 ya IOC e Lima, Peru. Ditho tse pedi tsa IOC tsa Fora, Guy Drut le Tony Estanguet, ba ne ba sa tshwanela ho kgetha ho latela melao ya Selekane sa Diolimpiki.