Gillian Slovo

Gillian Slovo o fana ka Kgau ya PEN

Gillian Slovo (o hlahile ka la 15 Hlakubele 1952) ke mongodi wa Afrika Borwa ya dulang UK. O ne a amohetse Kgau ya Golden PEN.

Bophelo ba pele le thuto

Gillian Slovo o hlahile ka la 15 Hlakubele selemong sa 1952 ,Johannesburg, Afrika Borwa, e le moradi wa Joe Slovo le Ruth First.Lelapa la hae le ile la fallela London ka 1964, e le baphaphathehi ba lipolotiki. Lelapa la hae ke la Bajuda.

Slovo o ile a ithuta Univesithing ea Manchester, moo a ileng a fumana lengolo la bachelor thutong ea nalane le filosofi ya saense ka 1974, pele a sebetsa e le moqolotsi wa ditaba le moetsi oa mananeo a thelevishene.

Mosebetsi

Qalong, dibuka tsa Slovo di ne li tsepamisitse maikutlo haholo litabeng tsa botlokotsebe le lipale tse susumetsang maikutlo (thrillers), ho kenyeletsoa letoto la libuka tse hlahisang mofuputsi Kate Baeier, empa hamorao o ile a qala ho ngola libuka tsa dingoliloeng tse tebileng (literary fiction). Buka ea hae ea selemo sa 2000 e bitsoang *Red Dust*—e leng pale e hlahisang liketsahalo tsa lekhotla le amanang le Komisi ea 'Nete le Poelano ea Afrika Borwa—e ile ea fetoloa filimi e nang le lebitso le tšoanang, e ileng ea lokolloa ka 2004 'me ea tsamaisoa ke Tom Hooper.

Buka ya Slovo ya selemo sa 2004 e bitsoang *Ice Road* e ile ea khethoa har'a tse ka hapang Khau ea Orange ea Dingoliloeng (Orange Prize for Fiction). Buka ena e kopanya liketsahalo tsa 'nete (lefu la Sergey Kirov) le pale e iqapetsoeng e hlalosang bophelo nakong ea ho thibelloa ha toropo ea Leningrad.

Hammoho le Victoria Brittain, Slovo o ile a ngola papadi ya sethaleng e bitsoang *Guantanamo: Honor Bound to Defend Freedom*, e ileng ya hlahiswa dinaheng tse fapaneng lefatšeng ka 2004.

Dingodilweng tsa nalane ya bophelo

Buka ea Slovo ea 1997 e hlalosang nalane ea bophelo ba hae, *Every Secret Thing: My Family, My Country*, ke tlaleho ea bongoaneng ba hae Afrika Borwa le kamano ea hae le batsoali ba hae—Joe Slovo le Ruth First—bao ka bobedi e neng e le baetapele ba Mokhatlo oa Makomonisi oa Afrika Boroa (South African Communist Party) le batho ba ileng ba bapala karolo ea bohlokoa ntoeng khahlanong le khethollo ea morabe. Ba ile ba phela bophelo bo tletseng likotsi ba ho lula naheng e 'ngoe (botlamuoeng), ho loantša puso ka lihlomo, le ho kenngoa teronkong ka linako tse ling; ntho e ileng ea fella ka hore 'm'ae a bolaoe ke mabotho a Afrika Boroa ka 1982.

Pale ea lelapa la hae e ile ea etsoa filimi e kholo e bitsoang *A World Apart* (1988), e ngotsoeng ke khaitseli ea hae Shawn Slovo 'me e hlahisa Barbara Hershey e le sebapali se ka sehloohong.

Boetapele ba English PEN

Slovo e bile mopresidente oa bo-25 (2013–2020) oa Lekala la Senyesemane la mokhatlo oa machaba oa bangoli o tsejwang e le PEN International. Ka 2012, o ile a nka karolo sehlopheng sa baemeli ba PEN International se ileng sa ea Mexico ho ea ipelaetsa khahlanong le polao ea baqolotsi ba litaba naheng eo, a e-na le bapresidente ba makala a mang a PEN hammoho le bangoli ba tummeng lefatšeng ka bophara.

Maikutlo a dipolotiki

Ka Tshitwe 2019, hammoho le batho ba bang ba 42 ba hlahelletseng lefapheng la setso, Slovo o ile a saena lengolo le tshehetsang Mokga wa Labour tlasa boetapele ba Jeremy Corbyn likhethong tse akaretsang tsa 2019. Lengolo leo le ne le bolela hore "lenaneo la likhetho la Labour tlas'a boetapele ba Jeremy Corbyn le fana ka moralo o tlisang liphetoho tse kgolo, o behang litlhoko tsa batho le polanete pele ho phaello ea batho ka bomong le lithahasello tsa batho ba fokolang." Ke motho ea tshehetsang boiteko ba ho hana ho sebedisana le ditsi tsa setso tsa Iseraele. E ne e le e mong oa batho ba ileng ba saena qalong tokomane e reng "Ho Hana ho ba Karolo ea Tshebetso ya Litsi tsa Lingoliloeng tsa Iseraele" (Refusing Complicity in Israel's Literary Institutions).

Lenane la dingodilweng

• Morbid Symptoms (1984)
• Death by Analysis (1986)
• Death Comes Staccato (1987)
• Catnap (1994)
• Close Call (1995)

Tse ding dingolwa

• Ties of Blood (1989)
• The Betrayal (1991)
• Looking for Thelma (1991)
• Façade (1993)
• Red Dust (2000)
• Ice Road (2004)
• Black Orchids (2008)
• An Honourable Man (2012)
• Ten Days (2016)