Kobo ya Basotho

Basali ba Basotho ba apereng dikobo

Ngwana ya phuthetsweng ka kobo ya setso sa Basotho

Kobo ya Basotho ke mofuta o ikgethileng wa kobo ya boya eo hangata e aparwang ke Basotho naheng ya Lesotho le Afrika Borwa .

Ka mora hore Morena Moshoeshoe wa pele, e ne e le mmusi wa ka nako eo, a fuwe kobo ena e le mpho ho tswa ho monna wa Lebrithani ya neng a tsejwa feela ka lebitso la "Monghadi Howell" ho elella bofelong ba lekgolo la mashome a metso e robong la dilemo, dikobo tsena di ile tsa tsebahala kapele sebakeng sa Lesotho.

Tsela eo banna ba Basotho ba aparang dikobo tsena tsa setso ka yona e thehilwe ho Kaross ya setso, seaparo sa letlalo la diphoofolo le hoja phetoho ya bona ho "fektheri woven textile" e bakwa ke Morena Moshoeshoe. Ka 1872 boholo ba dikhurumetso tsa matlalo a dinku di ne di nketswe sebaka ke k’hothone ya boleng bo tlaase kapa boya. Morena o ile a fumana tlhahiso ya "dikobo tse khethehileng" ka 1876 ka mora ho kopana le moetsi wa masela wa England Donald Fraser. Dikobo tsena tse ntjha di ne di sa tiya feela empa di ne di ka etswa ka tsela e batlang e tshwana le ya Kaross, kahoo ka potlako di ile tsa nkela lesela la boleng bo tlaase le tswang dinaheng tse ding le neng le aparetswe ke batho ba Lesotho pele.