Lesedi FM

Letshwao la SABC.

Lesedi FM ke seteishene sa seyalemoya sa setjhaba sa Aforika Borwa se laolwang ke lekgotla la kgaso la Aforika Borwa (SABC).Ke seteishene se hasang se sebedisa enngwe ya dipuo tsa semmuso tsa Aforika Borwa , e leng puo ya Sesotho.Botsamaisi ba seteishene sa Lesedi FM bo etelletswe pele ke basadi, e leng Mamontha Motaung le Mannini Nyokong.

Dibaka tseo seteishene se fumanehang ho tsona

Seteishene sena se qadilwe ka selemo sa 1960 mme ha jwale se fumaneha diporofenseng tse supileng tsa Aforika Borwa. Se fumaneha ho diporofenseng tse setseng tse pedi ho maqhubu a latelang: 87.7 - 106.6 FM.

Lesedi FM le phatlalatsa mananeo a lona ho tswa ho setjhaba se buang le se utlwisisang puo ya Sesotho. Ke seteishene se seholo ka ho fetisisa sa seyalemoya sa Sesotho Aforika Borwa.

Moaho wa SABC.

Ka selemo sa 2013 e ne e le seteishene sa seyalemoya se boemong ba bone se seholo Aforika Borwa se nang le bamamedi ba dimilione tse 3.46 ka karolo e phahameng ya bamamedi ba 62% porofenseng ya Freistata le 10% porofenseng ya Gauteng. Ka 2021 sa nyolohela boemong ba bone ka bamamedi ba dimilione tse 4.

Bamamedi ba kgothallwang

Lesedi FM ke seteishene sa seyalemoya sa ditoropo se mamelwang ke batho bohle ba buang le ho utlwisisa puo ya Sesotho. Basadi ba 54% mme banna bona ba 46%.