Lesokwana
Papadi ya lesokwana ke papadi ya Basotho e bitsang pula. E bapalwa ke banana, barwetsana le basadi. Papadi ena e bapallwa lepatlelong moo ho bulehileng ho sebediswa lesokwana le sokang papa. [1]
E thehilwe ka moelelo wa hore komello e se be teng setjhabeng. Lesokwana le ka shejwa hape jwalo ka thapelo ka tsela ya papadi. E ne e le tsela ya ho rapella pula naheng. Ha bana ba bapala lesokwana, ba matha ho fihlella toropong e latelang. Nakong tsa kgale, barwetsana ba motse ba ne ba matha ho fihlella toropong e latelang, e be pula e ya na.