Lungi Ngidi

Lungisani True-man Ngidi (o hlahile ka la 29 Hlakubele 1996) ke sebapadi sa Afrika Borwa sa papadi ea kirikete ya Afrika Borwa. Dikgau tsa Selemo le Selemo tsa kirikete tsa Afrika Borwa tsa 2018, o ile a kgethwa e le e mong wa dibapadi tse hlano tsa kirikete ya selemo kapa ya ibapotseng ka makgabane (Cricket of the Year). Ka Phupu 2020, Ngidi o ile a kgethwa e le sebapadi sa selemo sa ODI le T20I moketeng wa selemo le selemo wa dikgau wa kirikete ya aforika borwa.

Bophelo ba pele

Ngidi o holetse Kloof, Durban mme o ile a fumana thuto ya sekolo e le hore a ka ya Sekolong se Phahameng sa ho Itokisa sa Highbury. Ha a ntse a hola, Mme wa Ngidi e ne e le mosebetsi wa lapeng ,ntate wa hae e ne e le mosebeletsi a hlokomelang sekolo se seng sa moo. Ngidi o ile a fumana dithusa thuto ya sekolo e le hore a ka kena Sekolo sa Hilton College. Dilemong tsa hae tse tharo tsa pele Hilton, Ngidi o ile a emela Hilton ka rugby pele a emisa ho tsepamisa maikutlo ho krikete. Ha a ntse a le Hilton, Ngidi o ne a kwetliswa ke Neil Johnson ya neng a le mosebeletsi wa naha ya Zimbabwe.

Kamora ho qeta sekolo sa Hilton, Ngidi o ile a ingodisa ho Bachelor of Social Sciences degree in Industrial Sociology Univesithi ya Pretoria.

Ho bapala dipapadi tsa malapeng le tsa T20

Ngidi o ile a kenngwa sehlopheng sa Northerns sa cricket bakeng sa Mohope ya Afrika ya T20 ya 2015. Ka Phupu 2016 Cricket South Africa e mo khethile e le sebapadi sa Afrika T20 Cup sa selemo. Ka Phato 2017, o ile a khethwa sehlopheng sa Benoni Zalmi bakeng sa sehla sa pele sa T20 Global League. Leha ho le jwalo, ka Mphalane 2017, Cricket South Africa qalong e ile ya tjhetjhisa tlhodisano ho fihlela ka Pudungwane 2018, mme ya hlakolwa nakwana kamora moo.

Ka Pherekhong 2018, Ngidi o ile a rekwa ke Chennai Super Kings ho 2018 IPL auction. Ka Mphalane 2018, o ile a khethwa sehlopheng sa Tshwane Spartans bakeng sa "Mzansi Super League" kgatiso ya pele ya Mzansi Super League T20. Ka Hlakubele 2019, o ile a khethwa e le e mong wa dibapadi tse robedi tse lokelang ho shebella ke Lekhotla la Matjhabeng la Cricket (ICC) pele ho tlhodisano ya 2019 ya Indian Premier League.

Ka Lwetse 2019, Ngidi o ile a khethwa sehlopheng sa Tshwane Spartans bakeng sa tlhodisano ya 2019 Mzansi Super League. Ka Mmesa 2021, o ile a khethwa sehlopheng sa Northerns, pele ho nako ya 2021-22 ya cricket Afrika Borwa.

Ka Hlakola 2022, Ngidi o ile a rekwa ke Delhi Capitals ka fantisi bakeng sa 2022 Indian Premier League.

Ka Motsheanong 2023, Sehlopha sa Major League Cricket (MLC) San Francisco Unicorns se phatlaladitse ho saena ha Ngidi bakeng sa sehla sa ho qala.

Mosebetsi wa matjhaba

Ka Pherekhong 2017 Ngidi o ile a kenngwa sehlopheng sa Twenty20 International (T20I) sa Afrika Borwa bakeng sa letoto la bona le kgahlanong le Sri Lanka. O ile a qala ho bapala T20I bakeng sa Afrika Borwa kgahlanong le Sri Lanka ka la 20 Pherekgong 2017 mme a fuwa tlotla ya monna ya ipabotseng ka makgabane papading. Nakong ya letoto la T20I, Ngidi o ile a khethwa sehlopheng sa Afrika Borwa bakeng sa dipapadi tsa bona tsa One Day International (ODI) kgahlanong le Sri Lanka. Leha ho le jwalo, o ile a qhelelwa ka thoko letotong la li-ODI ka lebaka la kotsi ya mpa.

Ka Pherekhong 2018, Ngidi o ile a eketswa sehlopheng sa diTeko sa Afrika Borwa pele ho teko ya bobedi kgahlanong le India. O ile a qala ho bapala ditlhahlobo tsa hae tsa Test bakeng sa Afrika Borwa kgahlanong le India ka la 13 Pherekhong 2018. O ile a khutlisa dipalo tsa 7/87 papading, ho kenyeletswa 6/39 ka lekgetlo la bobedi, kaha Afrika Borwa e hapile ka di-run tse 135. Hamorao kgweding eo, o ile a khethwa sehlopheng sa Matjhaba sa Letsatsi le le leng (ODI) sa Afrika Borwa bakeng sa letoto la bona le kgahlanong le India. O ile a qala ho bapala ka lekgetlo la pele ka letsatsi le le leng kgahlanong le India ka la 7 Hlakola 2018.

Ka Hlakubele 2018, Cricket South Africa e ile ya fa Ngidi konteraka ya naha, pele ho nako ya 2018-19. Ka Mmesa 2019, o ile a khethwa sehlopheng sa Afrika Borwa bakeng sa Mohope wa Lefatshe wa Cricket wa 2019. Ka la 4 Hlakubele 2020, ka ODI elya bobedi kgahlanong le Australia, Ngidi o ile a nka di-wikete tsa hae tsa pele tse hlano ho ODI cricket. Papading eo, e ile ya eba sebapadi se potlakileng ka ho fetisisa bakeng sa Afrika Borwa, ho latela dipapadi, ho nka di-wikete tse mashome amahlano (50) ho ODI, a etsa jwalo papading ya hae ya bo 26.

Ka Lwetse 2021, Ngidi o ile a khethwa sehlopheng sa Afrika Borwa bakeng sa 2021 ICC Men's T20 World Cup. Ka Phupu 2022, papading ya pele ya letoto kgahlanong le Engelane, Ngidi o ile a nka di-wikete tsa hae tsa pele tse hlano ho T20I cricket.

Ka Motsheanong 2024, o ile a khethwa e le sebapadi sa polokelo sehlopheng sa Afrika Borwa bakeng sa 2024 ICC Men's T20 World Cup.

Boitshwaro le Boitshwarelo

Ka Phupu 2020, Ngidi o ile a kopa sehlopha sa naha ho ba le puisano ka mokgatlo wa Black Lives Matter ho krikete ya Afrika Borwa, le hore sehlopha se tshehetse mokgatlo ona. O ile a boela a bua ka khethollo ya merabe e hlophisitsweng ho krikete. Ngidi o itse o ne a ke ke a kgathatseha ka ho etella pele boiteko ba sehlopha, mme a bolela, hara dintho tse ding: "Re se re le hammoho hape ka seqo. Ho hlakile hore re buile ka yona mme bohle ba tseba se etsahalang. Empa hajwale e boetse e le bo thata hobane ha re kopane. Ke nahana hore ke ntho e thata ho buisana ka yona ha re ntse re arohane, empa hang ha re kgutlela papading, re tla e rarolla". Mantswe a hae a ile a fumana maikutlo a fapaneng le ditlhaselo ho tswa ho bao e neng e le Proteas Rudi Steyn, Pat Symcox le Boeta Dippenaar. Bonyane dibapadi tse 30 tsa mehleng tsa Proteas, kaofela ha tsona di na le mebala, hammoho le bakwetlisi ba bahlano, ba phatlaladitse polelo e kopaneng, e bontshang tshhetso ya Ngidi le mokhatlo wa BLM, ha ba ntse ba kgothaletsa Cricket South Africa ho "ba se nang pepeneneng ka boemo ba yona le ho netefatsa hore bothata bo tobane le bona".