Mandla Msibi

Mandla Jeffrey Msibi (o hlahile ka di 14 Tshitwe 1975) ke ralipolotiki le Mosuwe naheng ya Afrika Borwa eo a bileng setho sa Lekgotla la Naha la Mpumalanga ho tloha ka kgwedi ya Motsheanong 2019. E kile ya ebe MEC bakeng sa Puso e Kopaneng le ditaba tsa Setso ho tloha ka motsheanong 2019 hofihlela ka hlakola 2021, a boela a eba MEC ho tsa Temo, Ntshetsopele ya mahaeng, mobu le ditaba tsa tikoloho ho tloha ka Hlakola 2021 ho fihlela a lelekwa mosebetsing ka Mphalane 2021 a boela a ba MEC ya Puso e Kopaneng le ditaba Tsa Setso ho tloha ka Mphalane 2022 ho fihlela ka Phupu 2024. Pele a sebetsa lekgotleng la molao, e ne e le sebui le hoba mokhanselara ho lekgotla la Masepala wa selehae wa Mbombela. Msibi ke setho sa African National Congress.

Ka la 2 Mmesa 2022, o ile a khethwa e le motshwara matlotlo wa profinse wa ANC Mpumalanga, leha ANC e ne e na le molao wa "emella ka thoko " bakeng sa ditho tsohle tse qoswang ka tlolo tsa molao . Ka nako eo, Msibi o ne a qoswa ka polao le ho leka ho bolaya. O ile a tlohela mosebetsi ka la 5 mmesa. Ka Lwetse 2022, diqoso tsa polao kgahlano leyena di e tsa hlakolwa ha nakwana.

Bophelo ba pele le thuto

Msibi o hlahile ka la 14 Tshitwe 1975 Daantjie Profenseng ya Transvaal, hona e tsebahala ka Mpumalanga. O ile a kena sekolo , Sekolong se Phahameng sa Lekazi Central. O ile a fumana lengolo la bo titjhere ho tswa Kolecheng ebitswang Thuto ya Elijah Mango. Msibi o ile a fumana setifikeiti sa bokhoni ba ho buisana le tsebo etswetseng pele hlakoreng la khwebo hotswa Univesithi ya Potchefstroom pele a ka fumana setifikaiti sa boetapele ba phethahatso Univesitheng ya Pretoria.

Mosebetsi

Msibi e ne e le titjhere lefapheng la thuto. Hamorao o ile a fumana mosebetsi e le khomishenara ya batjha kantorong ya Tonakholo ya Mpumalanga. Ka Hlakubele 2006, o ile a khethwa e le mokhanselara wa Masepala selehae wa Mbombela. O ile a nka marapo e le sebui sa masepala kamora dikhetho tsa masepala tsa 2016.

Ka la 22 Motsheanong 2019, Msibi o ile a eba setho sa lekhotla la molao la profense. Tonakholo Refilwe Mtsweni-Tsipane o mo khethile hore e be MEC bakeng sa Tsamaiso e Kopaneng le ditaba tsa Setso. O qadile mosebetsing ka la 29 Motsheanong.

Ka la 24 Hlakola 2021, Msibi o ile a ya lefapheng la Temo, Ntshetsopele ya mahaeng, Naha le ditaba tsa Tikoloho tsa lekhotla la phethahatso.

Ka la 12 Mphalane 2021, Mtsweni-Tsipane o ile a leleka Msibi e le MEC ho tsa Temo, Ntshetsopele ya mahaeng, Naha le ditaba tsa Tikoloho ha a ntse a tobane le diqoso tsa polao le teko ya polao. O ile a dula e le setho se tlwaelehileng sa ANC sa lekhotla la molao la profense.

Letona la matlotlo la profense la ANC

Ka la 25 Hlakubele 2022, Mokgatlo wa Basali wa African National Congress profenseng ya Mpumalanga o ile wa khetha Msibi hore e be motshwara matlotlo la profense la ANC pele ho kopano ya dikgetho ya profense ele ya mokha ho tloha ka la 1-3 Mmesa 2022, leha ho ne ho na le molao wa mokha wa "ho emella ka thoko" bakeng sa ditho tsohle tse nang le diqoso tsa botlokotsebe ho itokolla mesebetsing ohle ya mokha ho fihlela dinyewe tsohle di rarollwa kgatlanong le bona.