Mmino wa Sesotho

Jwale ka ditjhaba tse ding, Basotho ba ena le mefutafuta ya dikarolwana tsa bophelo tseo ba ikgethang ka tsona ho itshupa hareng ha tjhaba tse ding.

Setjhaba sa Basotho se ema ka moetlo wa sona, setso le borapedi. Mmino, ditlwaelo le moaparo hareng ha tse ding tsa boitshupo.

Kgetlong lena re qolla mmino wa sesotho.

Mmino ke tsela ya tlholeho ditjhabeng ka ho fapana ha tsona, ho ntsha maikutlo le ho fetisa molaetsa. Ekaba kananelo, boithabiso, ho rorisa kapa poko esita le kutlo-bohloko jwalo-jwalo.

Hareng ha mefuta e tummeng ya mmino wa sesotho, re tla qotsa feela e latela. Tse ding di tla hlahiswa phatlalatsong e latelang.

Mangae

Mmino ona o binwa ke makolwane ha bale lebollong. Oona o akga ka hare ho ipoka le ho ikopanya le badimo

Kodiyamalla

Mofuta ona wa pina o supa kutlwelo-bohloko ha holo ka nako ya lefu

Lekodilo

Mofuta wa mmino o kang pina ya lenyalo kapa moqoqopelo. Oona o na le morethethonyana oo ekang ke wa ditswanya