Mokete Shadrack Chakela
| Mokete Shadrack Chakela | |||
|---|---|---|---|
| Mosebetsi: | Sebini | ||
| Naha: | Lesotho | ||
| Letsatsi la tswalo: | Mafeteng | ||
| Sebaka sa tswalo: | 1963 | ||
Mokete Shadrack Chakela, ya tsebahalang ka lebitso la Mosotho kapa Chakela, ke sebini sa Mmino wa setso wa famo,mmino wa koriana. Chakela o hlahile ka selemo sa 1963 a hlahela Mafeteng,Lesotho.
Chakela o tsebahala haholo ka dipina tsa hae moo a binang le Molotsana.[1][2]
Mmino
[fetola | fetola mohloli]Mosotho Chakela o ile a tsebahala ka album ya hae ya pele e bitswang Motsamai le Chakela no.1. Album ena e ile ya lokollwa ka 1999 ke Shear Record Company, mme e ile ya rekisa dikopi tse lekaneng ho fihlela boemo ba platinamo. Album ena e na le dipina tse kang "O ka nketsang", "Ha ke nwa jwala" le "Mosadi". O ile a boela a hlahella selemong se latelang ka album e nngwe e tummeng e bitswang Motsamai le Chakela no.2.
Ka selemko sa 2006 Chakela o ile a Kgau ya Mmino ya Setso ya Afrika Borwa bakeng sa sebini se setle ka ho fetisisa sehlopheng sa mmino sa Famo.[3][4]
Ka selemo sa 2003 Chakela o ile a etsa pina le Doc Shebeleza e bitswang "Ha ke Tahelwe Ha Motho"
Kgwebo
[fetola | fetola mohloli]Ntle le talenta ya hae ya ho bina, Chakela ke mohwebi wa Lesotho. O na le mabenkele a 13 a jwala, a supileng a tsona a leng motse-moholo wa Lesotho, Maseru. Tse tharo tsa tsona di Leribe ha tse tharo tse setseng di le toropong ya bobedi e kgolo ka ho fetisisa moo a hlahetseng teng, Mafeteng. [citation needed]
Dipolotiki
[fetola | fetola mohloli]Chakela o sebedisitse botumo ba hae e le mmino ho hlahisa maikutlo a dipolotiki. Ka album ya hae ya bobedi, o bua ka baetapele ba dipolotiki ba Lesotho e leng se ileng sa mo etsa motho ya bulang mahlo ho ditjhaba tse ngata tsa Basotho. Dipolotiking tsa Lesotho o hokahane le Tumellano ya All Basotho.