Ntate robert sobukwe
.jpg)
Robert Mangaliso Sobukwe o hlahetse Hubert le Angelina Sobukwe ka la 5 Tshitwe 1924 Graaff-Reinet, Profenseng ya Kapa. E ne e le wa ho fela ho bashanyana ba bahlano le ngwanana a le mong. Ntate wa hae o ne a sebetsa e le mosebeletsi wa masepala le mosebetsi wa nakwana a sebetsa ka patsi, Mme wa hae e le mosebeletsi wa malapeng mme a pheha sepetleleng sa moo.
Sobukwe o ile a pepesetswa dingodilweng a sa le monyenyane ke moholwane wa hae. Thuto ya hae ya pele e ne e le sekolong sa boromuwa Graaf Reinet. Kamora ho qeta Maemo a 6 o ile a ingodisa bakeng sa Thupelo ya Matitjhere a Mathomo ka dilemo tse peli, empa ha aa ka a fuwa mosebetsi wa botitjhere. Yaba o kgutlela sekolong se phahameng, a ingodisa Setsing sa Healdtown, moo a qetileng dilemo tse tsheletseng a ithuta ka thuso ea litjhelete e fanwang ke George Caley, mosuwehlooho wa sekolo, mme a qeta Setifikeiti sa Junior (JC) le materiki. Thuto ea Sobukwe e ile ya sitiswa ka nakwana ka 1943 ha a kena sepetlele a tshwerwe ke lefuba.
Ka mora ho qeta sekolo o ile a fumana basari ho tswa Lefapheng la Thuto le kadimo ya tlatsetso ho tswa ho Bantu Welfare Trust, e ileng ya mo thusa ho ingodisa Univesithing ya Fort Hare bakeng sa thuto ya thuto e phahameng ka 1947. Sobukwe o ile a ingodisa bakeng sa BA thuto e phahameng ya Senyesemane, Sexhosa le Native. Tsamaiso. Kgahleho ya hae e kenelletse dibukeng e ile ya tšwellapele mme ya lebisa haholo ho dingwolwa le terameng.[1]