Petrus Steyn

Petrus Steyn ke torotswana e nyenyane ya tsa temo pakeng tsa Mafahlaneng le Maokeng,e dikilomitara di le mashome a mararo le metso e mehlano botjhabela ho motse wa Ntha. Ke tulo e bohareng ba tsa temo.Torotswana ena e tsebahala ka koro,poone,ditapole, makgomo, le manku e bile e le yona e thehang pokello ya dijo Foreistata.

Diemahale le dimonumente

Afrikaanse Taalmonument

14 August 1975 Monumente wa puo ya Afrikaans.

Seemahale sa puo ya Afrikaans se ile sa ahwa ke baeti ka la 14 Phato 1975 e le ho keteka dilemo tse lekgolo tsa puo ena.

Elandskop ke leralla leo eneng e le la bohlokwa ka nako ya ntwa ya manyesemane le maburu, e tsejwang ka Anglo Boer War 1899-1902 kapa ntwa ya Afrika Borwa (South African War). Leralla Lena le ne le sebediswa bakeng sa dikgokahanyo kapa dipuisano ka heliograph metseng e kang petsana, Free State, Phirotona , Vredefort

Lebitla la Petrus Steyn

Petrus Paulus Steyn o fihlile sebakeng sena dilemong tsa bo 1860, ka ntwa tsa Basotho le Maburu. Ha ho tsebisahale hantle hore o thotse badudi ba sebaka ele bo mang. Pele motse o thehwa ebile o rehellwa Petrus Steyn, eleng enngwe ya ditumellano tse entsweng ke mofumahadi wa hae ha a ne a rekisa toropo, sebaka sena se ne se tsejwa e le sa bohlokwa ho tsa setho, botjhaba le meetlo mme Basotho le Dihoja ba ne ba bitsa sebaka sena Mamafubedu.

Rhino Heritage Park

Kajeno lebitla la Petrus Paulus Steyn le hlokometswe, mme sebaka se lokiswa ho ba Rhino Heritage Park.

Nalane ya motse

Petrus Steyn o hlahile ka la 23 Phuptjane 1842 motseng wa Robertson, profinseng ya Kapa Bophirima Afrika Borwa, mme a hlokahala ka la 7 Pudungwana 1897. Toropo e ne e lokela ho bitswa Concordia, empa mohlolohadi wa mofu Monghadi Petrus Paulus Steyn o ile a e rekisa ka lebaka la hore toropo e ntjha e rehellwe ka monna wa hae. Polasi ya Sterkfontein e ile ya rekiswa ho ya ka thato ya Monghadi Steyn ka theko ya diponto tse nne le disheleng tse hlano ka acre, e ileng ya rekwa ka la 11 Mphalane 1912, e leng letsatsi la semmuso leo Petrus Steyn e thehilweng ka lona.

Noka ya Renoster eo Basotho ba ebitsang Kwakwatsi, e simolohile sebakeng sa 502, haufi le jarete ya lebitla la lelapa la Petrus Steyn. Hona jwale sebaka sena se ntse se ntlafatswa hore e be serapa sa boikhathollo sa setjhaba.

Ka selemo sa 2019 baahi ba Mamafubedu ba ile ba hotetsa ntlo ya Mamikie Mokoena, ramotse wa Masepala wa Sebaka sa Nketoana kaha baahi ba ntse ba sokola ka metsi le phano ya ditshebeletso.

Mehlodi

Sehlohlolo sa Elandskop

Nalane ya motse

Petrus Steyn o hlahile ka la 23 Phuptjane 1842 motseng wa Robertson, profinseng ya Kapa Bophirima Afrika Borwa, mme a hlokahala ka la 7 Pudungwana 1897. Toropo e ne e lokela ho bitswa Concordia, empa mohlolohali wa mofu Monghadi Petrus Paulus Steyn o ile a e rekisa ka lebaka la hore toropo e ntjha e rehellwe ka monna wa hae. Polasi ya Sterkfontein e ile ya rekiswa ho ya ka thato ya Monghadi Steyn ka theko ya diponto tse nne le disheleng tse hlano ka acre, e ileng ya rekwa ka la 11 Mphalane 1912, e leng letsatsi la semmuso leo Petrus Steyn e thehilweng ka lona.

Noka ya Kwakwatsi e simolohile sebakeng sa 502, haufi le jarete ya lebitla la lelapa la Petrus Steyn. Hona jwale sebaka sena se ntse se ntlafatswa hore e be serapa sa boithapollo sa sethaba.

Ka selemo sa 2019 baahi ba Mamafubedu ba ile ba hotetsa ntlo ya Mamikie Mokoena, ramotse wa Masepala wa Sebaka sa Nketoana kaha baahi ba ntse ba sokola ka metsi le phano ya ditshebeletso.