Philippi Village
Philippi Village ke ntshetsopele e kopantsweng ya tshebediso e kopaneng eo e leng lehae la setjhaba se fapaneng sa bo-rakgwebo le bo rakgwebopotlwana, le mabenkele a manyane, diofisi le sebaka sa diketsahalo ha mmoho le ditshebeletso tsa dipapadi, thuto le setso Philippi, Kapa, Afrika Borwa [1] . E nkwa e le kgothatso le mohlala wa kgwebo bakeng sa metse ya makeisheneng a Cape Flats, Cape Town. Sepheo sa mantlha sa Philippi Village ke ho fana ka dibaka tsa tshebedisano-mmoho bakeng sa beng ba dikgwebo tse nyane, ha mmoho le ho theha menyetla ya mesebetsi le ho phahamisa boemo ba setjhaba sa lehae, ha ka nako e tshwanang ele sebaka se phelang le se bolokehileng bakeng sa puisano ya setjhaba. Ka sehopotso sa yona sa pele sa letsatsi la tswalo, Philippi Village e ile ya phatlalatsa hore e thehile mesebetsi e ka bang 66 ya moshwellela le mesebetsi ya nakwana e 284 le ho tshwara diketsahalo tse 15 setsing sa yona sa dikopano [2] .
Philippi Village e thehilwe ke Bushra Razack, mohwebi wa setjhaba ya hapileng dikgau, moemedi wa phetoho, setsebi sa botho le ntshetsopele ya setjhaba [3] [4] . O hlahetse Cape Town mme a kena sekolo se phahameng Ladysmith, KwaZulu-Natal, moo a ileng a etsa sehlopha sa leshome ka 2003. O hotse le bana ba bang ba 70 lehaeng la dikgutsana mme ha a le dilemo di leshome le metso e mmedi o ile a emela Afrika Borwa Kopanong ya pele ya Lefatshe ya Batjha e tsejwang e le Millennium Young People's Congress motseng wa Honolulu County, Hawaii [5] . Ke mongodi-mmoho wa buka e bitswang: "Rescue Mission", tlhahlobo ya batjha ya Dipakane tsa Ntshetsopele ya Millennium tsa UN tse ileng tsa thakgolwa Sebokeng sa Lefatshe sa Ntlafatso ya Moshwelella ,Gauteng, Johannesburg, Afrika Borwa.