Pule Lechesa
Pule Lechesa (ya hlahileng ka 1976) ke mongodi wa motho e motsho wa Afrika Borwa, mohlahlobisisi wa Dingolwa, seroki le mongodi wa dibuka. Dibuka tsa hae tse hatisitsweng di kenyelletsa Four Free State Authors (Bangodi ba Bane ba Foreisetata), The Evolution of Free State Black Literature, le Omoseye Bolaji...ho Dikgau, Bangodi, Dingolwa.[1] Pule Lechesa ke mothehi le mohlophisi ya ka sehloohong wa Phoenix Press Publishers e Ladybrand, e ntseng e tswela pele ho phatlalatsa dipale tse ngata tse iqapetsweng, dithothokiso, dipale tse kgutshwane le dithlabollo tsa dibuka. Dibuka tsa hae tse hatisitsweng dikenyelletsa Essays on Free State Black Literature 2012, Bolaji in his Pomp 2013, le A penny for Lechesa's Thoughts. Lechesa ke e mong wa bangodi ba Sesotho ba hlahelletseng ka mehetla wa dipapadi tsa Afrika. Ke e mong wa baqolotsi ba ditaba ba bolo ya maoto ba neng ba le teng thupellong e neng e tsheheditswe ke FIFA e neng e tshwaretswe Nairobi, naheng ya Kenya, ka Hlakubele 2010.[2] O tlohile koranteng ya letsatsi le letsatsi ya Afrika Borwa e bitswang The New Age ho ba mohlophisi wa dikhopi sehloohong sa beke le beke sa Foreisetata, Public Eye Newspaper. Ka 2015, Pule Lechesa o ile a hatisa sengolwa sa dipatlisiso tse tebileng (monograph) ka mongodi a ikgethileng wa dibuka tsa Sesotho K. P. D. Maphalla. Hona jwale ke sebueledi sa Mantsopa Municipality, Afrika Borwa.[3]