Schistosomiasis
| Schistosomiasis | |
|---|---|
| Tlhophiso le mehlaodi ya kantle | |
 | |
| ICD/CIM-10 | B65 B65 |
| ICD/CIM-9 | 120 120 |
| DiseasesDB | 11875 |
| MedlinePlus | 001321 |
Schistosomiasis, e tsejwang hape ele feberu ya kgofu, ke helminthiasis ke bolwetse bo bakwang ke dintho tse pedi tse amanang eo e nngwe e leng senwamadi se bitswangschistosome. Peipi ya moroto kapa ya mala e kanna ya ameha. Matshwao le matshwao a ho kula a kanna a kenyeletsa mahlaba ka mpeng, letshollo, mantle a madi, kapa moroto o madi. Ba tshwaeditsweng nako e telele ba kanna ba ba le ho senyeha ha sebete, ho hloleha ho sebetsa hantle ha diphio, ho sitwa ho ima kamora ho leka, kapa mofetshe wa senya. Baneng, e kanna ya baka ho hola ho fokolang le bothata ba ho ithuta.[1]
Bolwetse bo nama ka ho kena metsing a foreshe a nang le tshwaetso ya dinwamadi. Dinwamadi tsena di hlahiswa ke dikgofu tsa metsi a foreshe tse tshwaeditsweng. Bolwetse bo tlwaelehile haholo hara bana ba dinaha tse ntseng di tswela pele kaha ho etsahala hangata hore ba bapalle metsing a tshwaeditsweng. Dihlopha tse ding tse kotsing e kgolo di kenyeletsa balemi, batshwasi ba ditlhapi, le batho ba sebedisang metsi a sa hlwekang letsatsi le leng le le leng.[1]Bo fumanwa sehlopheng sa tshwaetso ya dinonometsane.[2]Tlhahlobo ya ho kula eka ba ka ho fumana mahe a senwamadi morotong kapa mantleng a motho. Eka netefatswa hape ka ho fumana dilwantshadikokwanahloko tse kgahlano le bolwetse mading.[1]
Mekgwa ya ho thibela bolwetswe e kenyeletsa ntlafatso ya phumantsho ya metsi a hlwekileng le ho fokotsa palo ya dikgofu. Dibakeng tseo bolwetse bo totileng, moriana wa praziquantel ho kanna ha fanwa ka ona hang ka selemo sehlopheng sohle. Hona ho etswa ho fokotsa palo ya batho ba tshwaeditsweng mme, ebe ho latela, ho nama ha bolwetse. Praziquantel hape le yona ke kalafo e kgothaletswang ke Mokgatlo wa Lefatshe wa Bophelo bo Botle (WHO) bakeng sa ba tsejwang ba tshwaeditswe.[1]
Schistosomiasis e amme ho ka bang dimilione tse 210 tsa batho lefatsheng ka bophara.[3] Ho ka etsang 12,000[4] ho isa ho 200,000 ya batho ba bolawa ke yona selemo se seng le se seng.[5] Bolwetse bona bo fumanwa haholo Afrika, mmoho le Asia le Amerika Borwa.[1] Ho ka etsang dimilione tse 700 tsa batho, dinaheng tse fetang 70, ba phela dibakeng tseo bolwetse bo fumanehang haholo.[5][6] Dinaheng tsa ditropiki, schistosomiasis ke ya bobedi feela ho malaria hara malwetse a dinwamadi e nang le sekgahla hodima kgolo ya moruo.[7] Schistosomiasis e lenaneng la bolwetse ba ditropikeng bo sa tsotellweng.[8]
Ditshupu
[fetola | fetola mohloli]- ↑ 1.0 1.1 1.2 1.3 1.4 "Schistosomiasis Fact sheet N°115". World Health Organization. 3 February 2014. Retrieved 15 March 2014.
- ↑ "Chapter 3 Infectious Diseases Related To Travel". cdc.gov. 1 August 2013. Retrieved 30 November 2014.
- ↑ Fenwick, A (Mar 2012). "The global burden of neglected tropical diseases.". Public Health 126 (3): 233–6. PMID 22325616. doi:10.1016/j.puhe.2011.11.015.
- ↑ Lozano, R.; Naghavi, M.; Foreman, K.; Lim, S.; Shibuya, K.; Aboyans, V.; Abraham, J.; Adair, T. et al. (15 December 2012). "Global and regional mortality from 235 causes of death for 20 age groups in 1990 and 2010: a systematic analysis for the Global Burden of Disease Study 2010". Lancet 380 (9859): 2095–128. PMID 23245604. doi:10.1016/S0140-6736(12)61728-0.
- ↑ 5.0 5.1 Thétiot-Laurent, S. A.; Boissier, J.; Robert, A.; Meunier, B. (27 June 2013). "Schistosomiasis Chemotherapy". Angewandte Chemie International Edition in English 52 (31): 7936–56. PMID 23813602. doi:10.1002/anie.201208390.
- ↑ "Schistosomiasis A major public health problem". World Health Organization. Retrieved 15 March 2014.
- ↑ The Carter Center. "Schistosomiasis Control Program". Retrieved 17 July 2008.
- ↑ "Neglected Tropical Diseases". cdc.gov. 6 June 2011. Retrieved 28 November 2014.