Thuto-tswelopele ya kelello

Thuto-tswelopele ya kelello ke thuto ya sayense, e rutang ka ho hola, ho fetoha le ho ikamahanya le maemo bophelong ba motho. Qalong e ne e amana le masea le bana, mme ya atoloswa ho kenyelletsa bocha, kholo ea batho ba baholo, botsofadi le nako eohle ea bophelo ba motho. Ditsebi tsa kelello di ikemiselitse ho hlalosa kamoo monahano, maikutlo le maitshwaro a fetohang kateng bophelong. Lefapha lena le hlahloba phetoho ka mekhahlelo e meraro e meholo, e leng ntshetsopele ya 'mele, ntshetsopele ya kelello le ntshetsopele ea maikutlo a sechaba. Ka hara dikarolo tsena tse tharo ho na le dihlooho tse fapaneng tse akarelletsang tsebo ya ho sebetsa, mesebetsi ea phethahatso, kutlwisiso ya boitshwaro, ho fumana puo, phetoho ya sechaba, botho, ntshetsopele ea maikutlo, mohopolo oa boithati le sebopeho sa boitsebahatso.