Veronica Sobukwe

Zondeni Veronica Sobukwe (27 Phupu 19-27–15 Phato 2018) e ne e le mooki wa Afrika Borwa ya neng a bapala karolo ya bohlokwa Letsholong la Defiance. Molekane wa hae, Robert Sobukwe, e ne e le mohanyetsi ya hlahelletseng wa dipolotiki. Lelapa la ha habo le ne le dula le hlekefetswa ke mapolesa.

Bokapele

Veronica Sobukwe o ile a tswalwa ka di 27 tsa Phupu, selemong sa 1927, motseng wa Hlobane, provenseng ya KwaZulu-Natal. Sobukwe e ile moithuti wa ho ba mooki sepetleleng sa Victoria, provenseng ya Eastern Cape. Sepetlele seo sa Victoria se ile sa thehwa ka selemo sa 1898 ke setheo sa baromuwa ba Lovedale. E ne ele sepetlele sa pele sa ho kwetlisa baooki ba mmala o motsho Afrika Borwa. Ha Zondeni Sobukwe a santsane ele moithuti sepetleleng seo, o ile a qabana le beng ba hae. Qabano eo e ile ya qetella e felletse ho ngalo ya basebeletsi ba sepetlele seo. Ke moo a ileng a kgahla ntate Robert Sobukwe eo e neng e le mopresidente wa lekgotla la baithuti ba sekolo sa Fort Hare University ka selemo sa 1949. Zondeni Sobukwe o ile a tejelwa sekolong sa Loverdale selemong se le seng le ha a sale qabanong ya sepetleleng sa Victoria. Ka morao ho moo, mokgatlo wa batjha ba ANC ba sekolo sa Fort Hare ba ile ba romella mme Sobukwe Gauteng hore a romelle lengolo ho ntate Walter Sisulu ho mo tsebisa ka mahloko a baooki ba tswang Alice.

Ka di 06 tsa Phuptjane, selemong sa 1954, mme Sobukwe ile a nyalana le ntate Sobukwe, ba eba le bana ba bane bao e leng Miliswa, Delindyebo, le Dedanizizwe. Ka mora hore ba nyalane, mme Sobukwe o ile a sebetsa ngakeng ya Jabavu, Soweto. Ha monna wa hae a santsane a sale tjhankaneng, Zondani o hlolehile ho lwantsha Jimmy Kruger le Moemedi B.J Vorseter, hore monna wa hae a lokollwe hang hang hobane a ne a kula.

Lihokelo tsa kantle

Veronica Sobukwe Wikipedia administrationWikipedia administration7