Zahara (South African musician)

Zahara ha a bina Nairobi

Bulelwa Mkutukana (9 Pudungwana 1987 – 11 Tshitwe 2023), ya tsebahalang ka lebitso la hae la sethaleng e leng Zahara, e ne e le sebini sa Afrika Borwa, mongodi wa dipina le sebini sa katara. Mmino wa hae o ne o kgethollwa ele " Afro-soul ", mme o ne a bina ka Sexhosa, puo ya habo ya lapeng , hammoho le Senyesemane.

Kamora ho saena tumellano ya rekoto le TS Records, albamo ya hae ya pele Mkutukana,o e bitsitse Loliwe (2011), e ile ya tswela pele ho fihlella maemo a platinum e habedi. Albamo ya hae ya bobedi, Phendula (2013), e hlahisitse dipina tse tharo tse holimo ka ho fetisisa " Phendula ", "Impilo", le "Stay". Alebamo ya boraro ya Zahara, Country Girl (2015), e ile ya fihlella maemo a polatinamo hararo. Ka mora hore a tlohe ho TS Records, o ile a saena tumellano ya rekoto le Warner Music . Alebamo ya hae ya bone, Mgodi (2017), e ne e le albamo ya hae e rekwang ka ho fetisisa mme e ne e tiisitswe ka platinamo, ha alebamo ya hae ya bohlano, Nqaba Yam (2021) e ile ya fihla sehlohlolong sa 1 ho iTunes .

Dikhau tsa hae di kenyeleditse Dikhau tse leshome le metso e supileng tsa Mmino wa Afrika Borwa, Dikhau tse tharo tsa Metro FM, le Khau e le nngwe ya Nigeria Entertainment . Zahara o ne a le lenaneng la 2020 la Basali ba 100 ba BBC. O hlahile e le moahlodi wa moeti ka sehla sa leshome le metso e supileng sa Idols South Africa ka 2021.

Bophelo ba bonyaneng

Zahara o hlahile e le Bulelwa Mkutukana ho Phumlani Informal Settlement ya East London e Eastern Cape, Afrika Borwa, Zahara o holetse moo le batswadi ba hae Nokhaya le Mlamli Mkutukana, ele ngwana wa botshelela ho bana ba supileng. Zahara o ile a qala ho bina khwaereng ya sekolo sa hae ha a le dilemo li tsheletseng, a fetoha sebini se etellang pele moo, mme ha a le dilemong tse robong, o ile a kopuwa ho kenella khwaereng ya baholo ka lebaka la lentswe la hae le matla. Lebitso la hae la sethaleng le bolela "palesa e thunyang" ka Searabia. Ha e sa le ngwana, o ne a tsejwa ka lebitso la boswaswi "Spinach" ka lebaka la lerato la hae la meroho.