Kiernan Jarryd Forbes (28 Pherekgong 1988 - 10 Hlakola 2023)[1] ya tsejwang e le AKA, e ne e le rapper, mohlahisi wa mmino le mohwebi wa Afrika Borwa. O hlahetse Cape Town mme a holela Johannesburg, Forbes o ile a tsebahala ka morra ho lokolla pina ya hae ya "Victory Lap" ho tswa ho album ya hae ya pele ya studio, Altar Ego (2011). Hangata o ne a nkwa e le e mong wa dibini tse kgolo ka ho fetisisa tsa Afrika Borwa ka nako yohle, e ne e le e mong wa dibini tse tummeng ka ho fetisisa Afrika Borwa mehleng ya hae le sebini se rekisang ka ho fetisisa sa hip hop sa Afrika Borwa sa nako yohle.[2]
Forbes o ile a tswela pele katleho ya hae ka ho lokolla di-albhamu tsa studio ho kenyeletswa Levels (2014), album e kopanetsweng le Anatii e bitswang Be Careful What You Wish For (2017), Touch My Blood (2018) le album ya hae ya ho qetela, Mass Country (2023).
Ka la 10 Hlakola 2023, Forbes o ile a thunngwa ka ntle ho tulo ya ho jella dijo e Durban, le motswalle wa hae.
Kiernan Jarryd Forbes o hlahile Cape Town, Afrika Borwa ka la 28 Pherekgong 1988 lelapeng la Bakreste. Ke eena e moholo ho bashanyana ba babeli. Ke moena e moholo wa Steffan Forbes. O ile a fallela Johannesburg a le monyenyane mme a ya Kolecheng ya St John's. Ka 2002, Forbes, hammoho le metswalle ya hae e mmedi Vice Versa le Greyhound / Sizwe Mpofu-Walsh, ba thehile sehlopha sa hip hop se bitswang Entity. Sehlopha se ile sa thonngwa bakeng sa Kgau ya KORA sehlopheng sa Best African Hip Hop. Entity e ile ya qhalana ka 2006 mme Forbes a tswela pele ho ithuta boenjiniere ba modumo. Ka 2006, Forbes o ile a theha sehlopha sa tlhahiso The I.V League hammoho le ditho tse ding tse pedi. I.V. League e ile ya etsa dihlahiswa tsa di-production bakeng sa dibini tse mmalwa, ho kenyeletswa Khuli Chana, ProKid le JR. Ka 2009, o ile a lokolla di-single tse tharo: "In My Walk", "I Do", le "Mistakes".
Ka la 28 Phupu 2010, Forbes o ile a lokolla "I Want It All", e leng pina e le nngwe ya pele ho tswa ho album ya hae ya pele ya studio, Altar Ego. Album e boetse e ile ya lokollwa pele ho di-singles tse pedi tse neng di le "All I Know" le "Victory Lap". "Victory Lap" e ile ea atleha ha e ntse e le hodimo di-chart tsa diya-le-moya tsa lehae tsa Afrika Borwa. Alter Ego e ile ya lokollwa ka la 23 Phato 2011. Album e ile ya netefatswa kgauta ke Li-Risa ka katleho ya yona ya ho rekisa. Album e hapile dikgau tse mmalwa, ho kenyeletswa le Metro FM Awards ya 2011 bakeng sa Album e Molemohadi ya Hip Hop. Forbes o hapile sebapadi se setle sa monna sa selemo ho South African Music Awards ya 2012.
Forbes o ile a lokolla albamo ya hae ya bobedi, e bitswang Levels, ka la 30 Phuptjane 2014. Album e ne e tshehelitswee ke di-single tse nnè: "Jealousy", "KO" (e nang le Da L.E.S.), "Congratulate" le "Run Jozi (Godly) " e nang le KO le Yanga. Album e ile ya netefatswa hore ke platinamo ka 2014, mme e ne e le platinamo e habedi ka 2018 ke RiSA. Album ena e file Forbes phapang e ikhethang ya ho ba mrapper wa pele wa Afrika Borwa ho fihlella maemo a platinamo ka albamo e rekotilweng haholo ka Senyesemane
AKA ka 2015
Ka la 2 Tshitwe 2016, Forbes o ile a lokolla pina e le nngwe ya "The World is Yours" ho tswa ho album ya hae ya boraro ya studio. Ka ho dieha ha tokollo ya yona, Forbes o ile a sebedisana le sehlopha se amanang le Anatii ho qapa albamo, Be Careful What You Wish For. Album e ile ya lokollwa ka la 28 Phupu 2017, ka karabelo e ntle ho tswa ho bahlalosi. E ne e tshehetswa ke di-singles tse tharo: "10 Fingers", "Don't Forget To Pray" le "Holy Mountain".
Ka tokollo ya pele ya "The World is Yours" ka 2016, Forbes o boetse a lokolla lipina tse kenyeletsang "Caiphus Song", "Star Signs" (e nang le Stogie T) le "Sweet Fire" ho tshehetsa tokollo ya albamo ea hae ya boraro, Touch My Blood. Mabapi le sekoahelo sa album, Forbes o ile a sebedisa Twitter ho phatlalatsa tlhodisano e baqapi ba ditshwantsho ho rala setshwantsho sa albamo ya hae, a sebedisa setshwantsho sa hae se hlakileng sa sefahleho. Ho ilwe ha romelwa ditshwantsho tse ngata, mme Forbes e ile a kgetha motapi ya bitswang Taonga, ya ileng a fumana mosebetsi wa ho ithuta le Beam Group. Matsatsi a leshome le metso e mehlano pele ho tokollo ea eona, o ile a lokolla pina e belaetsang "Beyonce" e neng e le pina e nyelisang e nehetsoeng molekane oa hae oa mehleng Bonang Matheba.
Touch My Blood e lokollotswe ka la 15 Phupu 2018 le ha e ne e beheltyswe ho tswa ka 25 May 2015 ho e rekisa le ho e babatsa. Albamo ena eile ya fihlella maemo a platinamo mme ha mmamorao maemo a doubble platinamo ke ba RiSA ka selemo nsa 2019. Setlabolane sa bo tshelela ho tswa albamong ena ya Touch My Blood's se bitswang "Fela in Versace" mme sena le sebini Kiddominant, se ile sa fumana katleho e kgolo hahoho ho bapiswa le pina tse ding. Albamo e ne ena le dibini tse ngata tsa Aforika Borwa tse kang bo ]]L-Tido]], JR, Yanga Chief, Stogie T, Kwesta ha mmoho le Okmalumkoolkat, le emong wa naha ya Nigeria ebile ele le mohlahisi ,Kiddominant.
Ka 8 Mmesa 2018, Forbes e ne e hlahiswa ketsahalong ya WWE e phelang Cape Town le Johannesburg, Afrika Boroa.[22] Ka Hlakola 2019, e ne e le motshwantshisi ua hlahelletseng ho roast ya selemo le selemo ya Comedy Central SA.
Ka Mmesa 2020, Forbes hammoho le mofuta wa vodka Cruz ba ile ba tsebisa seno se nang le monate wa lehapu le lebitso la hae la pele dibotlolong.
2020–2023: Bhovamania,Mass Country
Ka la 6 Pudungoana 2021, AKA's Extended Play Bhovamania e ile ea lokolloa.[25] EP e ne e tshehetswa ke dipina tse nnè: "Energy", "Python", "Liemahale" le "Cross My Heart". Moketeng ya leshome wa Dikgau tsa Hip Hop tsa Afrika Borwa, o ile a fumana kgetho ya Moetsi wa Leshome la Dilemo.
Mathwasong a Lwetse 2022, AKA o phatlalalitse merero ya albamo ya hae ya bone ya Mass Country ho Instagram. Pina e thusitsoeng ea Nasty C "Lemons (Lemonade) "e lokollotswe ka la 16 Lwetse 2022, e le pina e etelletseng pele ya albamo.[28] Pina ena e netefalitsoe 4× Platinum ke indasteri ya ho rekota ya Afrika BorWa (RiSA).
Alebamo e ile ya lokollwa ka la 24 Hlakola 2023. E fihlile Platinum Afrika Borwa.
Ka Phupu 2023, Sony Africa e phatlalalitse khatiso e tlang ya Mass Country Deluxe, letsatsi le lokollotsweng le tla phatlalatswa.
Forbes e qadile ho intsha le mohlahisi DJ Zinhle qetellong ea 2014. Kamora ho fumana dikgau tse mmallwa tsa Afrika Borwa tsa Hip Hop, Zinhle o ile a fana ka maikutlo a kamano ya bona ka ho tweeting "Congratulations to my win".[32] Banyalani bana ba na le moradi ya bitswang Kairo Owethu Forbes, ya hlahileng ka 2015. [33] Ka Phato 2015, Forbes le Zinhle ba ile ba arohana ka mora hore ho senolwe hore Forbes o ntse a ena le dikamano tse ding le sebohodi sa thelevishene Bonang Matheba.[34] Jwalo ka ha Forbes le Matheba ba latola diqoso tsena, ba ile ba phatlalatsa ha ba ntse ba senola kamano ya bona ka 2016. Forbes le Matheba ba ile ba arohana ka December 2017. Leha ho le jwalo, Forbes le Zinhle ba ile ba boelana hammoho bofelong ba 2018, le hoja hamorao ka 2019 ba ile ba arohana hape.
Ka la 21 Hlakola 2021, Forbes e ile ya beha setshwantsho ho Instagram e phatlalatsang boitlamo ba hae le kgarebe ya hae Nelli Tembe. Ka la 11 Mmesa 2021, Tembe o ile a hlokahala kamora ho wa ha hoteleng e Cape Town.
Kamora lefu la Tembe, ho ile ha hlaha ditlaleho tsa hore Forbes o kile a sebedisa dithethefatsi. O ile a fana ka polelo ya phatlalatsa ha a araba a re a ke ke a hohelwa ke ho pepesa mathata a bona e le banyalani ho itshireletsa kgahlanong le "maikutlo a lehlakoreng le le leng".Polelo ya rapper ena e tla ka mora tlaleho ya News24, e reng e bone ditshwantsho moo Forbes e ka bonwang a sebedisa matsoho a hae ho heletsa lemati la lepolanka ho kena ka phaposing ya kamore ya bona e Bryanston, Johannesburg, moo Tembe a neng a ipatile teng. Ketsahalo eo ho thwe e etsahetse ka la 13 Hlakubele 2021, hoo e ka bang kgwedi pele ho lefu la hae.
Ka la 10 Hlakola 2023 ka 22:00 (SAST) ka nako ea lehae, Forbes e ne e reretswe ho bapala lebaleng la bosiu la Yugo Durban e le karolo ya mokete oa letsatsi la hae la tsoalo.[41] Bosiung boo, ha a ntse a eme ka ntle ho reschorenteng le metsoalle, rasethunya o ile a mathela Forbes 'me a mo thunya hloohong ha motlatsi oa hae a thunya a bolaea motswalle wa hae Tebello Motsoane, ka mora moo banna bao ka bobedi ba baleha sebakeng seo ka maoto. Forbes le Motsoane ka bobesi ba phatlalalitswe ba hlokahetse sebakeng seo.
Leha batho ba babedi ba ne ba le teng nakong ea polao ya AKA, batho ba tsheletseng ka kakaretso ba ile ba ameha lefung la hae ha morao. Mapolesa a ile a senola hore lefu la hae le bakilwe ke tlhaselo e hlophisitsweng. Motho ya ileng a rera polao o ile a latela AKA ho tloha Boema-fofane ba Matjhaba ba King Shaka ho ya hoteleng ya hae. Dikoloi tse nne, banna ba babedi ba dithunya, diqhomane tse pedi, le morekisi wa dibetsa kaofela ba kentse letsoho lefung la AKA le motsoalle wa hae Tebello "Tibz" Motsoane.
