Musiamo wa Ntwa ya Maburu le Manyesemane

 

Mosiamo wa Ntwa , Mangaung

Seemahale ,Mosiamo wa Ntwa .

Musiamo wa Ntwa ya Maburu le Manyesemane ( Anglo-Boer War) o tsejwang hape e le Musiamo wa ntwa tsa Maburu,Bloemfontein ke musiamo o le mong feela lefatsheng o tsepamisitseng ditaba kapa pokello dintweng tsa Maburu le Manyesemane tsa 1899 ho isa ho 1902.

Musiamo o na le pokello e ikgethang ya bonono, di-diorama le dipontsho empa hape o atametsa moeti ho utlwisisa semelo seo ntwa e etsahetseng ho sona. Seemahale sa sehopotso sa Naha sa Basadi le bana se fumanwa sebakeng sena se emisitsweng ka selemo 1913.

Nalane ya Musiamo

Ke komiti ya naha ya sehopohotso sa basadi e tlileng ka leano la musiamo, Sepheo ele ho hlokomela leho tshireletsa nalane le pokello ya ntwa ya maburu le manyesemane, Lebaka la sena ke hore setjhaba se ile sa qala ho fana ka dintho tse tswang Ntweng ho Komiti, empa ba ne ba se na moo ba ka dii bolokang kapa ho di bontsha. Frans Soff e ne e le setsebi sa meralo se filweng mosebetsi wa ho rala moaho mme ka la 26 Mmesa 1930 lejwe la motheo la musiamo le ile la bewa ke Senator W.J.C. Brebner le Moruti/Moprofesara/Ngaka J.D. Kestell, moruti wa maburu nakong ya ntwa ya maburu eleng motho eo toropo ya Kestell e rehelletsweng ka yena, O ile a bula mokete ka thapelo.

Ka la 30 Lwetse 1931 musiamo o ile wa bulwa ke tonakholo ya pele ya kopano ya Afrika borwa, Mokgenerale J.B.M. Hertzog. Ka 1934 Musiamo o ile wa fetisetswa ho Mmuso wa Kopanelo mme wa bewa tlasa tsamaiso ya Lekgotla la Bahlokomeli ba Musiamo wa Setjhaba wa Bloemfontein, o laolwang ke Lekgotla la Musiamo wa Ntwa. Ka la 1 Mmesa 1953, Musiamo wa ntwa o ile wa fetoha musiamo o ikemetseng o nang le Lekgotla la ona. Dilemong tse mashome tse latelang musiamo o ile wa atoloswa ka ho eketsa diholo tse ntjha tsa dipontsho, sebaka sa tsamaiso le Oditoriamo.

Bona hape

• Seemahale sa Setjhaba sa Basadi
• Sehopotso sa Ntwa ya Anglo-Boer