Yusuf Maart

Moegamat Yusuf Maart (o hlahile ka la 17 Phupu 1995) ke sebapadi sa bolo ya maoto sa Afrika Borwa se bapalang e le sebapadi se hlaselang bakeng sa Sehlopha sa Afrika Borwa sa Premier Division Kaizer Chiefs le sehlopha sa naha sa Afrika Borwa.

Mosebetsi wa sehlopha

Orlando Pirates F.C

Maart o hlahetse profenseng ya Cape Town mme a hola Atlantis. O ile a fumanwa sehlopha sa Orlando Pirates ka 2016 kamora ho khethwa e le sebapadi sa tlhodisano ya SAB yaba ka tlase ho dilemo tse 21 e ileng ya bapala selemong sa 2016. Qalong o ile a ikopanya le sehlopha se ka fatshe mme oile qala ho bapala papadi ya hae ka la 12 Hlakubele 2017 oile akena ele sebapadi se tswang bankeng moo baileng ba hapa papadi ka 3-1 kgahlanong le EC Bees ho Nedbank Cup. O ile a qala ho bapala sehlopheng se seholo ho dipapadi tsa sehla hamorao selemong seo e le sebapadi se tswang bankeng moo baileng ba hlolwa ka 2-1 ke Lamontville Golden Arrows ka la 27 Motsheanong 2017. Maart o qetile sehla sa 2018-2019 a kadinngwe sehlopha sa Cape Umoya United, moo a ileng a fumana ntlha ele nngwe dipapading tse 16 tsa sehla. O ile a lokollwa ke Pirates ka lehlabula la 2020.

Sekhukhune United F.C

Maart o ile a ikopanya le Sekhukhune United e bapalang ho National First Division kamora hore a lokollwe ke Pirates. O ile a bapala karolo ya bohlokwa ho phahamiseng sehlopha ho ya ho South African Premier Division ka nako eo, a hlaba dintlha tse tharo dipapading tse 28 tsa sehla.

Mosebetsi wa matjhaba

Maart o ile a bitswa Sehlopheng sa naha sa Afrika Borwa bakeng sa 2021 COSAFA Cup. O ile a hlaba ntlha ya hae ha pele matjhabeng ka la 16 Phupu 2021 papading ya seka makgaolakgang ya COSAFA Cup le Mozambique, mme oile a bapala ho makgaolakgang mme ba e hapa ka 6-5 ka thaho ya mekoko le Senegal. O ile a bapala dipapadi tse 6 mme a hlaba ntlha ele nngwe nakong ya 2021 COSAFA Cup.